Sagar Shelar proudly holding the Indian flag after winning gold in Nepal’s Asian Mixed Boxing Championship; Satara showers accolades.Sakal
सातारा
Success Story: 'आशियाई मिक्स बॉक्सिंग स्पर्धेत सागर शेलारची नेपाळमध्ये सुवर्ण पदकाला गवसणी'; सातारा जिल्ह्यातून कौतुकांचा वर्षाव
Asian Mixed Boxing Championship : भारतीय संघाला सुवर्णपदक २५, रौप्यपदक १५,कांस्यपदक १३ अशी मिळून ६३ पदके पटकावली. त्यामध्ये सागर धनाजी शेलार यांनी ६५kg वजनी गटात खेळून भारतीय संघाचे प्रतिनिधीत्व करत सुवर्णपदक जिंकले. त्याच्या यशामध्ये पत्नी सह कुटुंबाचा मोलाचा वाटा आहे.
सातारा : ३१ मे रोजी बुढानिलकंठा महानगर पालिका, काठमांडू, नेपाळ येथे झालेल्या आशियाई मिक्स बॉक्सिंग स्पर्धेत सातारा जिल्ह्याचे जावळी तालुक्यातील अंधारी गावचे सुपुत्र अनेक राष्ट्रीय पुरस्कारांचे मानकरी, आंतरराष्ट्रीय खेळाडू सागर धनाजी शेलार यांनी आपल्या खेळाचे कौशल्य दाखवत अनेक मोठमोठ्या आंतरराष्ट्रीय खेळाडूंना हरवून सुवर्ण पदकाला गवसणी घातली आहे.