कवठेच्या उपसरपंचपदी गोरख चव्हाण बिनविरोध

कवठे (जि. सातारा) : येथील ग्रामपंचायतीच्या उपसरपंचपदी गोरख चव्हाण यांची बिनविरोध निवड करण्यात आली. उपसरपंच संदीप डेरे यांचा अडीच वर्षांचा कार्यकाल पूर्ण झाल्याने त्यांनी आपल्या पदाचा राजीनामा दिला होता. त्यामुळे उपसरपंचपदासाठी जाहीर झालेल्या निवडणुकीत गोरख चव्हाण यांचा एकमेव अर्ज आल्याने त्यांची बिनविरोध निवड करण्यात आली. 

यासाठी निवडणूक निर्णय अधिकारी म्हणून वाय. एन. टोणपे यांनी काम पाहिले. त्यांना मंडलाधिकारी जाधव, ग्रामसेवक भोसले, तलाठी राठोड यांनी सहकार्य केले. निवडीनंतर झालेल्या कार्यक्रमात ज्येष्ठ नेते कृष्णराव डेरे यांनी उपसरपंच गोरख चव्हाण यांचा सत्कार केला. बिनविरोध निवडून दिल्याबद्दल उपसरपंच चव्हाण यांनी सर्व ग्रामपंचायत सदस्य, कार्यकर्ते व ग्रामस्थांचे आभार मानून सर्वांना सोबत घेऊन सर्वसमावेशक काम करणार असल्याचे सांगितले.

पर्यटकांनाे! महाबळेश्वर, पाचगणीला आलात 'हे' नियम पाळा

या वेळी सरपंच श्रीकांत वीर, माधवराव डेरे, मधुकर डेरे, संदीप डेरे, उज्ज्वला पोळ, रामदास ससाणे, रूपाली जगताप, नितीन ससाणे, दत्तात्रय पोळ, महेश डेरे, दिनकर डेरे, महेंद्र जगताप उपस्थित हाेते. यावेळी ग्रामस्थांनी नवनिर्वाचित उपसरपंच गाेरख चव्हाण यांचे अभिनंदन केले.

Edited By : Siddharth Latkar