फिरोज तांबोळी: सकाळ वृत्तसेवा गोंदवले, ता. ६ : अनेक वर्षे हलाखीच्या परिस्थितीत दिवस काढल्यानंतर शासनाकडून मिळालेल्या घरकुलामुळे उभे राहिलेले स्वतःच्या घराचे स्वप्न अखेर पूर्ण झाले. नव्या घरात राहायला गेल्याचा आनंदही कुटुंबाने अनुभवला. मात्र, नियतीला हे सुख पाहवले नाही. काल (शुक्रवारी) सायंकाळी आलेल्या वादळी वाऱ्यासह मुसळधार पावसाने अवघडे कुटुंबाचे नव्याने उभे केलेले घर जमीनदोस्त केले. क्षणार्धात घरासोबतच त्यांच्या स्वप्नांचाही चुराडा झाल्याची घटना गोंदवले खुर्द (ता. माण) येथे घडली.
