Harshada Deshmukh Wins in Satara NCP Workers Celebrate Victory With Gulal and Enthusiastic Slogans Across the City
sakal
सातारा : पुणे पदवीधर मतदारसंघातून राष्ट्रवादी काँग्रेस शरदचंद्र पवार पक्षाच्या उमेदवार हर्षदा देशमुख-जाधव यांनी विजयी आघाडी घेतल्यामुळे आज राष्ट्रवादी काँग्रेसच्या पदाधिकारी व कार्यकर्त्यांनी राष्ट्रवादी भवनात आनंदोत्सव साजरा केला. त्यानंतर सर्व जण पोवई नाक्यावर आले व त्यांनी छत्रपती शिवाजी महाराजांच्या पुतळ्यास अभिवादन करत गुलालाची उधळण व फटाक्याची आतषबाजी करत विजयोत्सव साजरा केला. या वेळी कार्यकर्त्यांनी दिलेल्या घोषणांनी पोवई नाका परिसर दणाणून गेला.
