दुसऱ्या लाटेसाठी आरोग्य विभाग सज्ज; कऱ्हाडात उपाययोजनांची पूर्वतयारी सुरू | Sakal
sakal

बोलून बातमी शोधा

दुसऱ्या लाटेसाठी आरोग्य विभाग सज्ज; कऱ्हाडात उपाययोजनांची पूर्वतयारी सुरू

दुसऱ्या लाटेच्या पार्श्वभूमीवर वेणूताई चव्हाण उपजिल्हा रुग्णालयात तयारी करण्यात आली आहे. तालुक्‍यातील शिक्षकांच्या कोरोना चाचण्या केल्या जात आहेत. दर सोमवारी डेथ ऑडिट केले जाणार असल्याचे आरोग्य अधिकारी डॉ. संगीता देशमुख यांनी स्पष्ट केले.

दुसऱ्या लाटेसाठी आरोग्य विभाग सज्ज; कऱ्हाडात उपाययोजनांची पूर्वतयारी सुरू

कऱ्हाड (जि. सातारा) : कोरोनाची दुसरी लाट येण्याची शक्‍यता गृहीत धरून तालुक्‍यात उपाययोजनांची पूर्वतयारी सुरू करण्यात आली आहे. त्यासाठी येथील वेणूताई चव्हाण उपजिल्हा रुग्णालयात आवश्‍यक त्या उपाययोजना आणि सुविधा उपलब्ध असल्याची माहिती आरोग्य विभागाच्या अधिकाऱ्यांनी पंचायत समितीच्या मासिक सभेत दिली. दरम्यान, पाणीपुरवठा योजनांच्या कामावरून सदस्यांनी नाराजी व्यक्त केली. 

अध्यक्षस्थानी सभापती प्रणव ताटे होते. उपसभापती रमेश देशमुख, गटविकास अधिकारी डॉ. आबासाहेब पवार उपस्थित होते. कोरोनाची दुसरी लाट येण्याची शक्‍यता गृहीत धरून तालुक्‍यात आवश्‍यक त्या उपाययोजना करण्यात आल्याची माहिती तालुका आरोग्य अधिकारी डॉ. संगीता देशमुख यांनी दिली. दरम्यान, दुसऱ्या लाटेच्या पार्श्वभूमीवर वेणूताई चव्हाण उपजिल्हा रुग्णालयात तयारी करण्यात आली आहे. तालुक्‍यातील शिक्षकांच्या कोरोना चाचण्या केल्या जात आहेत. दर सोमवारी डेथ ऑडिट केले जाणार असल्याचे त्यांनी स्पष्ट केले. 

VIDEO : महाबळेश्वर, पांचगणी पर्यटकांनी बहरले; पर्यटनस्थळांवर नागरिकांची मोठी गर्दी

पाणीपुरवठा विभागाच्या आढाव्यादरम्यान ऍड. शरद पोळ यांनी जलजीवन मिशन अंतर्गत तालुक्‍यातील 28 गावांचे प्रस्ताव देण्यात आल्याची माहिती दिली. या मिशनअंतर्गत 25 गावांचे प्रस्ताव मंजूर झाल्याचे अधिकाऱ्यांनी सांगितले. मात्र, उर्वरित तीन गावांच्या नामंजूर प्रस्तावावर अधिकाऱ्यांकडून अपेक्षित उत्तर मिळाले नाही. अधिकारी व कर्मचाऱ्यांनी शिस्तीत काम करणे आवश्‍यक आहे. अनेक जण कामाच्या वेळेत गैरहजर असतात. यापुढे हे खपून घेतले जाणार नाही, असा इशारा प्रणव ताटे यांनी दिला. 

संपादन : बाळकृष्ण मधाळे

Web Title: Health Department Gearing Against Backdrop Corona Karad Satara News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Satara
go to top