सातारा : राज्यभरात जलजीवन मिशन योजनेंतर्गत काम करणाऱ्या ठेकेदारांची राज्यस्तरीय संघटना अस्तित्वात आली असून, त्याची घोषणा साताऱ्यात करण्यात आली. या संघटनेचे राज्याध्यक्ष म्हणून मिलिंद भोसले यांची एकमताने निवड करण्यात आली, तर राज्य शासनाकडे प्रलंबित असणाऱ्या १२ हजार कोटींच्या देयकांची मागणी राज्य शासनाकडे या बैठकीत करण्यात आली. ही देयके तातडीने न दिल्यास आंदोलनाचा इशारा संघटनेने दिला आहे.