'आमदार गोरेंना तत्काळ अटक करा, अन्यथा 25 ला आंदोलन' I Jayakumar Gore | Sakal
sakal

बोलून बातमी शोधा

Jayakumar Gore

आमदार गोरे यांच्यावर ॲट्रॉसिटी कायद्यांतर्गत गुन्हा दाखल झाला आहे.

'आमदार गोरेंना तत्काळ अटक करा, अन्यथा 25 ला आंदोलन'

मायणी (सातारा) : मृत व्यक्तीच्या नावे संगनमताने बोगस कागदपत्रे बनविणे, प्रतिज्ञापत्र तयार करून अनुसूचित जातीच्या घटकांची फसवणूक करणे आदी बेकायदेशीर कृत्यांबद्दल आमदार जयकुमार गोरे (Jayakumar Gore) यांच्यावर ॲट्रॉसिटी कायद्यांतर्गत (Atrocities Act) गुन्हा दाखल झाला आहे. मात्र, अद्याप त्यांना पोलिसांनी (Police) अटक केली नाही. गोरेंना तत्काळ अटक करावी, अन्यथा सोमवारी (ता. २५) जनता क्रांती दल (Janata Kranti Dal) व समविचारी संघटनांना बरोबर घेऊन तहसील कार्यालयावर आंदोलन करणार असल्याचा इशारा संघटनेतर्फे देण्यात आला आहे.

त्यासंबंधीचे लेखी निवेदन आज जनता क्रांती दलाच्या पदाधिकाऱ्यांनी खटाव तहसीलदारांना दिले. निवेदनात म्हटले आहे की, मायणीतील महादेव भिसे यांचे वडील पिराजी विष्णू भिसे हे वृध्दापकाळाने मयत झाले. तरीही त्यांच्या जागी कोणीतरी अज्ञात उभा करून त्याचे बनावट आधारकार्ड तयार करून आमदार व इतर कार्यकर्त्यांनी शंभर रुपयांचे स्टॅम्पवर बोगस प्रतिज्ञापत्र तयार केले. भिसे यांच्या आधारकार्डाची छेडछाड करून बनावट आधारकार्ड तयार केले.

हेही वाचा: 'शशिकांत शिंदेंच्या पराभवाचं शल्य सर्वांनाच, पण..'

आमदार गोरे यांनी सहकाऱ्यांशी संगनमत करून भिसेंच्या ठिकाणी दुसऱ्याच व्यक्तीला उभे करून भिसे कुटुंबीयांची फसवणूक केली आहे. भिसे कुटुंबीयांच्या घरावरही त्यांनी टाच आणली आहे. त्यांच्यावर ॲट्रॉसिटीअंतर्गत गुन्हा दाखल झाला आहे. मात्र, अद्याप त्यांना पोलिसांनी अटक केली नाही. आमदार गोरे यांना अटक झाली नाही तर सोमवारी (ता.२५) वडूज तहसील कार्यालयावर जनता क्रांती दल समविचारी संघटनांना बरोबर घेऊन आंदोलन करणार असल्याचा इशारा देण्यात आला आहे. निवेदनावर जनता क्रांती दलाचे प्रदेशाध्यक्ष सत्यवान कमाने, गणेश भिसे, विकास सकट, दत्ता केंगार यांच्या सह्या आहेत.

Web Title: Janata Kranti Dal Demands Arrest Of Mla Jayakumar Gore

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..