Bazar Samiti Result : 'या' तीन आमदारांनी करुन दाखवलं! जावळी-महाबळेश्वरात 'मविआ'चा केला सुपडासाफ

कुडाळ (सातारा) : जावळी-महाबळेश्वर कृषी उत्पन्न बाजार समितीचा निकाल (Jawli-Mahabaleshwar Market Committee Results) जाहीर नुकताच झाला असून महाविकास आघाडीला मोठा पराभव पत्करावा लागला आहे.

याठिकाणी शेतकरी विकास पॅनल 12 जागांवर विजयी झालं असून महाविकास आघाडी पॅनलचा (Mahavikas Aghadi Panel) सुपडासाफ झाला आहे.

त्यामुळं याठिकाणी आमदार शिवेंद्रराजे भोसले (Shivendraraj Bhosale), शशिकांत शिंदे (Shashikant Shinde) आणि मकरंद पाटील यांचं वर्चस्व पुन्हा एकदा सिद्ध झालं आहे. तर, सदाशिव सपकाळ व दीपक पवार यांच्या पॅनेलला पराभवाला सामोरे जावे लागले. एकूण 18 जागांपैकी 6 जागा निवडणुकीपूर्वीच बिनविरोध झाल्या होत्या. या विजयाची जिल्हाभर चर्चा सुरु आहे.