'I Love Karad' आयलँडसमोरील वाहतूक बदल भोवला; कोल्हापूर नाक्यावरील मार्ग बदलल्याने पुणे-बंगळूर महामार्गावर मोठी वाहतूक कोंडी, प्रशासनाचा ढिसाळ कारभार

कराड : कराड (जि. सातारा) शहराचे प्रवेशव्दार असलेल्या कोल्हापूर नाक्यावरुन शहरात येण्यासाठीचा नेहमीचा मार्ग बंद करुन त्याच्यापुढील 'आय लव्ह कराड' आयलॅण्डसमोरुन वाहतूक शहरात आणण्यासाठी मार्ग केला (Karad traffic diversion Pune Bengaluru Highway) आहे. गटरच्या कामासाठी करण्यात आलेल्या वाहतूक मार्गातील बदलाचे आवश्यक फलकही लावण्यात आलेले नाहीत. त्यामुळे कोल्हापूरकडून येणारी आणि सातारा-पुण्याकडून येणारी वाहने एकाच मार्गावर येत असल्याने वाहतुकीची पुन्हा कोंडी निर्माण होऊ लागली आहे. त्याकडे महामार्ग विभाग, वाहतूक पोलिस यांचेही लक्ष नसल्याने वाहनधारकांना निमुटपणे त्रासाला सामोरे जावे लागत आहे.