Karad Railway Station : कऱ्हाड रेल्वे स्थानकाचा कायापालट होणार

कऱ्हाड - अमृत भारत स्थानक योजनेच्या दुसऱ्या टप्प्यात पुणे रेल्वे विभागातील देहू रोड, चिंचवड, हडपसर, उरुळी, वाठार, लोणंद, सांगली, केडगाव, बारामती आणि कऱ्हाड स्थानकाचे अपग्रेडेशन आणि विभागातील विविध २५ ठिकाणी रोड ओव्हर ब्रिज, रोड अंडर ब्रिज बांधण्याच्या कामांचे उद्घाटन पंतप्रधान नरेंद्र मोदी यांच्या हस्ते २६ फेब्रुवारीला व्हिडिओ कॉन्फरन्सिंग द्वारे होणार आहे. विभागीय रेल्वे व्यवस्थापक श्रीमती इंदू दुबे यांनी ही माहिती दिली.

श्रीमती दुबे यांनी स्थानकांवर विकसित करण्यात येणाऱ्या विविध प्रवासी सुविधांची या वेळी सविस्तर माहिती दिली. त्यांनी अमृत भारत स्थानक योजनेच्या दुसऱ्या टप्प्यात पुणे रेल्वे विभागातील देहू रोड, चिंचवड, हडपसर, उरुळी, वाठार, लोणंद, सांगली, केडगाव, बारामती आणि कऱ्हाड स्थानकाचे अपग्रेडेशन आणि विभागातील विविध २५ ठिकाणी रोड ओव्हर ब्रिज, रोड अंडर ब्रिज बांधण्याच्या कामांचे उद्घाटन पंतप्रधान नरेंद्र मोदी यांच्या हस्ते २६ फेब्रुवारीला व्हिडिओ कॉन्फरन्सिंग द्वारे होणार आहे.

२०४७ विकसित भारत विकसित रेल्वे चित्रकला स्पर्धेत मुलांनी काढलेली सुंदर आणि आकर्षक चित्रे देखील दाखवली. पुणे विभागांतर्गत चित्रकला स्पर्धा आयोजित करण्यात आली होती. या स्पर्धेत प्रथम, द्वितीय आणि तृतीय क्रमांकावर निवड झालेल्या मुलांना २६ फेब्रुवारी रोजी अमृत भारत स्थानक योजना कार्यक्रमादरम्यान विविध स्थानकांवर प्रमुख पाहुण्यांच्या हस्ते बक्षीस देण्यात येणार आहे.