Sakal natya Mahotsav : कऱ्हाडमध्ये 'सकाळ नाट्य महोत्सव' रंगणार सहा जूनपासून

कऱ्हाड - दर्जेदार नाटकांसाठी आसुसलेल्या कऱ्हाडकरांसाठी सहा ते आठ जूनदरम्यान ‘सकाळ नाट्य महोत्सव’ रंगणार आहे. या महोत्सवात सादर होणाऱ्या नाटकांचा आस्वाद घेण्याची इच्छा असणाऱ्या रसिकांसाठी तिकिटांवर भरघोस सवलत दिली जाणार आहे. यशवंतराव चव्हाण स्मृती सदनात (टाऊन हॉल) रोज रात्री साडेनऊ वाजता महोत्सव होणार आहे. वैविध्यपूर्ण विषयांवरील तीन दर्जेदार नाटके या महोत्सवात रसिकांना पाहता येणार आहेत.

महोत्सवाचे मुख्य प्रायोजक चितळे डेअरी आणि सहयोगी प्रायोजक तनिष्क ज्वेलर्स व यशवंत को-ऑपरेटिव्ह बॅंक लिमिटेड (फलटण) हे आहेत.

तीन दिवस चालणाऱ्या या महोत्सवाची दैनंदिन तिकिटे उपलब्ध आहेत. दैनंदिन तिकिटे ‘बुक माय शो’च्या संकेतस्थळासह फोन बुकिंगवर उपलब्ध आहेत. ९४२२४०५००७ या क्रमांकावर संपर्क साधूनही तिकिटे आरक्षित करता येतील. त्याशिवाय यशवंतराव चव्हाण स्मृती सदन, चितळे एक्स्पेस (राजारामपुरी) येथे लवकरच तिकिटे उपलब्ध होणार आहेत.

महोत्सवाचे तपशील असे

कधी : ६ ते ८ जून

केव्हा : दररोज रात्री ९.३० वाजता

कुठे : यशवंतराव चव्हाण स्मृती सदन, कऱ्हाड (टाऊन हॉल)

महोत्सवाचे वेळापत्रक

मंगळवार (ता. ६) : ‘एका लग्नाची पुढची गोष्ट’

बुधवार (ता. ७) : ‘नियम व अटी लागू’

गुरुवार (ता. ८ ) : ‘तू तू मी मी‘

सेलिब्रिटींशी संवाद

प्रशांत दामले, भरत जाधव, संकर्षण कऱ्हाडे यांच्यासह मराठी चित्रपट व नाट्यसृष्टीतील सेलिब्रिटींचा नाट्याविष्कार यानिमित्ताने सजणार आहे. त्याशिवाय त्यांच्याशी संवादही साधता येणार आहे. सध्याच्या व्यावसायिक रंगभूमीवर सर्वाधिक लोकप्रिय ठरलेल्या नाटकांचा महोत्सवात समावेश आहे. साहजिकच ही एक वेगळी पर्वणी कऱ्हाडकरांना अनुभवता येणार आहे.

तिकिटांचे दर (प्रति व्यक्ती, रुपये)

संपूर्ण महोत्सवाचे तिकीट (तळमजला) : १२००

प्रतिनाटक तिकीट (तळमजला) : ५००

प्रतिनाटक तिकीट (तळमजला मागील रांगा) : ४००

प्रतिनाटक तिकीट (बाल्कनी) : ३००

काही जागा राखीव