वाई (जि. सातारा) : केंद्रीय अर्थसंकल्पाच्या अनुषंगाने विरोधी पक्षांकडून सर्वसामान्य जनतेमध्ये मोठ्या प्रमाणावर गैरसमज पसरवले जात असून, उद्योजक, व्यापारी, शेतकरी व सहकारी संस्थांनी विरोधकांच्या या सरकारविरोधी भूमिकेला बळी पडू नये. अर्थसंकल्पाविषयी विरोधक जनतेची दिशाभूल करत आहेत, असे आवाहन भारतीय जनता पक्ष प्रदेशचे प्रमुख प्रवक्ते केशव उपाध्ये यांनी येथे केले.
सर्वसामान्य जनतेला सोप्या भाषेमध्ये अर्थसंकल्पाची माहिती व्हावी, यासाठी वाई शहर भाजपतर्फे आयोजित अर्थसंकल्पावरील चर्चासत्रात ते मार्गदर्शन करीत होते. अध्यक्षस्थानी प्रसिद्ध कर सल्लागार ऍड. प्रभाकर सोनपाटकी होते. या वेळी भाजपचे जिल्हाध्यक्ष विक्रम पावसकर, नगराध्यक्षा डॉ. प्रतिभा शिंदे, अविनाश फरांदे उपस्थित होते. या वेळी श्री. उपाध्ये आणि ऍड. सोनपाटकी यांनी सोप्या व सुलभ शब्दांमध्ये अर्थसंकल्पातील सर्व बाबी मांडल्या.
शहराध्यक्ष राकेश फुले यांनी प्रास्ताविक केले. देवानंद शेलार यांनी परिचय करून दिला. तनुजा इनामदार यांनी सूत्रसंचालन केले. मनीषा घैसास यांनी आभार मानले. कार्यक्रमास भाजप सहकार आघाडीचे पश्चिम महाराष्ट्राचे सहसंयोजक, अर्बन बॅंकेचे अध्यक्ष सी. व्ही. काळे यांचे मार्गदर्शन लाभले. या कार्यक्रमासाठी शहरातील व्यापारी, उद्योजक, तसेच वेगवेगळ्या बॅंकांमधील प्रमुख कर्मचारी, नागरिक उपस्थित होते.
सातारकरांनाे! लॉकडाउन टाळणे आपल्याच हाती; अशी घ्या काळजी
Edited By : Siddharth Latkar
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.