मागील महिन्यात कारखान्याची मतदार यादी अंतिम करण्यात आलीय.
सातारा : किसन वीर साखर कारखान्याचा निवडणूक (Kisan Veer Sugar Factory Election) कार्यक्रम जाहीर झाला असून, येत्या सोमवार (ता. २८) पासून अर्ज दाखल करता येणार आहेत. तीन मे रोजी मतदान होणार असून, ५ मे रोजी निकाल जाहीर केला जाणार आहे. त्यामुळे या निवडणुकीत विद्यमान संचालक मंडळ तसेच आमदार मकरंद पाटील (Makrand Patil) यांचे पॅनेल असणार का, याची उत्सुकता आहे.
भुईंज येथील किसन वीर सहकारी साखर कारखाना सध्या आर्थिक अडचणीत आहे. तरीही सहकार निवडणूक प्राधिकरणाने निवडणूक घेण्याचा निर्णय घेतला आहे. त्यानुसार मागील महिन्यात कारखान्याची मतदार यादी अंतिम करण्यात आली आहे. त्यातच सध्या कामगारांनी आपला थकीत पगार मिळावा म्हणून आंदोलन केले होते. कारखान्याच्या निवडणुकीसाठी जिल्हा उपनिबंधक मनोहर माळी यांची निवडणूक निरीक्षक म्हणून नियुक्ती झाली आहे. नुकताच त्यांनी निवडणूक कार्यक्रम अंतिम केलाय.
यामध्ये सोमवारपासून (ता. २८) उमेदवारी अर्ज दाखल करता येणार आहेत. ता. ४ एप्रिलला दाखल अर्जांची छाननी होईल. तेथून पुढे १५ दिवस अर्ज मागे घेण्याची मुदत असेल. त्यानुसार ता. १९ एप्रिलपर्यंत अर्ज मागे घेण्याची अंतिम मुदत असेल. तीन मे रोजी प्रत्यक्ष मतदान होईल. ५ मे रोजी मतमोजणी होऊन निकाल जाहीर होईल. या निवडणुकीत विद्यमान अध्यक्ष मदन भोसले भाजपकडून पॅनेल टाकणार काय आणि आमदार मकरंद पाटील यांचे पॅनेल असणार काय, याकडे पाच तालुक्यांतील शेतकऱ्यांचे लक्ष लागले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
