Koyna Dam Water: कोयनेतील ‘महाजनको’चा कोटा संपुष्टात; वीजनिर्मितीवर परिणाम, राज्यात भारनियमनाचे संकट, सातारा-सांगलीसमोर पाणीटंचाईचे संकट

-सूर्यकांत पाटणकर

पाटण: कोयना धरणातील पाणी पातळी खालावल्याने धरणातील पाणीसाठा अवघ्या १२.०४ टीएमसीवर आला आहे. वीजनिर्मिती करणाऱ्या ‘महाजनको’चा शिल्लक कोटाही दोन दिवस पुरेल इतकाच केवळ ०.५८ टीएमसी असल्याने एक जूननंतर ''महाजनको''ला वीजनिर्मिती बंद करावी लागण्याची भीती आहे. दरम्यान, यामुळे वीजनिर्मितीसह सिंचनांचे संकट ओढवण्याची चिन्हे दिसू लागली आहेत.