सारथी संस्थेकडे निधी वळवून मागासवर्गीयांवर अन्याय

कऱ्हाड (सातारा) : सरकारने सामाजिक न्याय विभागाकडील (Department of social justice and empowerment Maharashtra) २०० कोटींचा निधी सारथी (Sarathi Sanstha) संस्थेकडे वळवून मागासवर्गीयांवर अन्याय केला आहे. मराठा समाजासाठी (Maratha Community) सारथी संस्थेस सरकारने एक हजार कोटी रुपये द्यावेत. पण, गरिबांच्या तोंडचा, हक्काचा घास काढून घेण्याचे पाप करू नये, अशी टीका दलित महासंघाचे (Dalit Federation) संस्थापक अध्यक्ष प्रा. डॉ. मच्छिंद्र सकटे (Dr. Machindra Sakte) यांनी केली. (Machhindra Sakte Criticizes The Government For Diverting Funds To Sarathi Sanstha Satara Marathi News)

दलित महासंघाच्या ३० व्या वर्धापनदिनानिमित्त कार्यकर्त्यांची चिंतन बैठक येथे झाली. त्यावेळी ते बोलत होते. समतावादी महिला मंचच्या अध्यक्षा प्रा. पुष्पलता सकटे, राज्य सरचिटणीस प्रकाश वायदंडे, शंकरराव महापुरे, बाबासाहेब दबडे, विकास बल्लाळ, रमेश सातपुते, प्रा. अमोल महापुरे उपस्थित होते. प्रा. सकटे म्हणाले, गरिबांच्या प्रश्नावर चर्चा करण्यासाठी सरकारची इच्छाच नसल्याने महाआघाडी सरकार कोणासाठी, हेही महत्त्‍वाचे आहे. सरकारने सामाजिक न्याय विभागाकडील २०० कोटींचा निधी सारथी संस्थेकडे वळवून मागासवर्गीयांवर अन्याय केला आहे. मराठा समाजासाठी सारथी संस्थेस सरकारने एक हजार कोटी रुपये द्यावेत. पण, गरिबांच्या तोंडचा हक्काचा घास काढून घेण्याचे पाप करू नये.

दलित महासंघ दलित मागासवर्गीयांच्या कर्जमाफीचा मुद्दा घेऊन राज्यभर आंदोलन करेल. वाटेगावचे अण्णाभाऊंचे स्मारक जागतिक कीर्तीचे व्हावे, यासाठी लढा उभारणार आहोत. वाटेगावचे स्मारक मातंग समाजाच्या आणि मराठी भाषिकांच्या अस्मितेचा प्रश्न आहे. महाआघाडी सरकारची मागासवर्गीयांच्या प्रश्नांवर चर्चा करण्याची इच्छाच नसल्याचेही ते म्हणाले. प्रा. पुष्पलता सकटे म्हणाल्या, दलित महासंघाशी ज्यांचा संबंधच नाही, अशा मंडळींनी दलित महासंघ, त्याचे नेतृत्व आणि कार्यप्रणालीवर बोलू नये. त्यांचा चांगलाच समाचार घेतला जाईल. प्रकाश वायदंडे यांनी प्रास्ताविक केले. हरिभाऊ बल्लाळ, सूरज घोलप, जयवंत सकटे, शंकर अवघडे यांनी कार्यक्रमासाठी परिश्रम घेतले. प्रा. दीपक तडाखे यांनी सूत्रसंचालन केले. रमेश सातपुते यांनी आभार मानले.

Machhindra Sakte Criticizes The Government For Diverting Funds To Sarathi Sanstha Satara Marathi News