Satara Politics Update: Mahesh Gade Chairman, Sushma Jadhav Vice Chairperson, Shiv Sena Backs NCP
sakal
सातारा : सातारा पंचायत समितीच्या सत्तासमीकरणात कोंडवे गणातील भाजपचे महेश गाडे यांची सभापतिपदी, तर अतीत गणातील सुषमा जाधव यांची उपसभापतिपदी निवड झाल्याने पंचायत समितीतील सत्तेची सूत्रे भाजपने ताब्यात ठेवली. विरोधी गटातून सभापतिपदासाठी राष्ट्रवादीचे राहुल कापले व उपसभापतिपदासाठी स्वप्नाली फडतरे यांनी अर्ज भरला होता. त्यांना अनुक्रमे सहा मते मिळाली. भाजपकडून महेश गाडे व सुषमा जाधव यांचे एकमेव अर्ज आल्याने त्यांचा अपेक्षेप्रमाणे हात उंचावून झालेल्या मतदान प्रक्रियेनंतर दहा मते मिळवीत विजय मिळविला.