सातारा : गेल्या काही दिवसांपासून जिल्हाभरात साथीच्या आजारांचा फैलाव वाढला आहे. या आजारांचा प्रादुर्भाव कमी करण्यासाठी हिवताप विभागाने सर्वेक्षण सुरू केले आहे. चार लाखांहून अधिक घरांची तपासणी करत औषध फवारणी सुरू केली आहे. यामध्ये ५९ डेंगीचे रुग्ण, मलेरिया ३९ रुग्ण व १७ चिकनगुनियाचे रुग्ण आढळले आहेत. डेंगीचा प्रादुर्भाव रोखण्यासाठी नागरिकांनीही डासांची उत्पत्ती होणारी डबकी (कंटेनर) नष्ट करणे आवश्यक आहे.
