सातारा शहरात मुसळधार पाऊस; पाेलिसांची उडाली तारांबळ

सातारा : सातारा शहर (satara city) व परिसरात दुपारी 12 पासून वादळी वाऱ्यासह मुसळधार पाऊस (rain) सुरु झाला. गेले दाेन तास सुरु असलेल्या पावसामुळे ठिकठिकाणी जिल्हा बंदीच्या बंदाेबस्तासाठी असलेल्या पाेलिसांची तारंबळ उडाली. (marathi-news-raining-satara-city)

आज (साेमवार) दुपारी 12 वाजता पावसास प्रारंभ झाला. यामुळे परिसरातील शेंद्रे, जकातवाडी, भरतगाववाडी येथील शेतीची कामे पुन्हा एकदा ठप्प झाली होती. सकाळपासूनच खूपच उकाडा वाढला होता. दुपारच्या सुमारास आकाशात ढग दाटले तर तासाभरात वादळी वाऱ्यासह मुसळधार पावसाला सुरुवात झाली.

दुपारी दाेन वाजेपर्यंत पाऊस सुरुच हाेता. या पावसामुळे सातारा शहर आणि परिसरात काेविड 19 च्या पार्श्वभुमीवर लावलेल्या पाेलिस बंदाेबस्तावरील पाेलिसांची तारंबळ उडाली. पाेवई नाका आणि माेती चाैक येथे विनाकारण फिरणा-यांवर कारवाई करीत हाेते. अचानक आलेल्या पावसामुळे पाेलिसांना नजीकच्या शेडमध्ये आसरा घ्यावा लागला. शहरानजीकच्या ग्रामीण भागात शेतकरी शेतीच्या अंतर्गत मशागतीची कामे करीत हाेते. अचानक आलेल्या पावसामुळे सर्वत्र शेतकऱ्यांची तारांबळ उडाली.

ब्लाॅग वाचा