सातारा :मेडिकल कॉलेजचे टेंडर महिनाअखेरास | Sakal
sakal

बोलून बातमी शोधा

medical
सातारा :मेडिकल कॉलेजचे टेंडर महिनाअखेरास

सातारा :मेडिकल कॉलेजचे टेंडर महिनाअखेरास

सातारा : सर्व सातारकरांचे लक्ष लागलेल्या सातारा शासकीय वैद्यकीय महाविद्यालयाच्या मध्यवर्ती प्रयोगशाळेचे भूमिपूजन सोमवारी उपमुख्यमंत्री अजित पवार (Ajit Pawar)यांच्या हस्ते झाले. प्रत्यक्ष इमारतीच्या ४९५ कोटींच्या सुसज्ज आराखड्यास नुकतीच वैद्यकीय संचालक मंडळाने मान्यता दिली आहे. त्यामुळे जानेवारीअखेर टेंडर(Tender) प्रक्रिया सुरू होणार आहे. एकूण चार टप्प्यांत हे बांधकाम होणार असून, साधारण मार्चमध्ये प्रत्यक्ष बांधकामास सुरुवात होणार आहे. या बांधकामावर निरीक्षण करण्याची सर्व जबाबदारी सार्वजनिक बांधकाम विभागावर राहणार आहे.

हेही वाचा: सिडकोने स्वप्नपूर्ती पुन्हा जलमय करून दाखवली; संरक्षण भिंतीतून पाण्याची वाट ; सिडकोची रहिवाशांना थूकपट्टी

सातारा शासकीय वैद्यकीय महाविद्यालयाची प्रवेश प्रक्रिया यावर्षीपासून होणार आहे. त्यासाठीची सर्व तयारी झालेली आहे. प्रथम वर्ष विद्यार्थ्यांच्या सोयीसाठी मध्यवर्ती प्रयोगशाळेचे भूमिपूजन उपमुख्यमंत्री श्री. पवार यांच्या हस्ते मागील आठवड्यात झाले आहे. त्याचे कामही वेगाने होणार आहे. वैद्यकीय महाविद्यालयाचा सुसज्ज असा एकूण ४९५ कोटी रुपयांचा इमारत बांधकाम आराखडा तयार झाला आहे.(Satara News)

हेही वाचा: जगण्यातील संघर्षाने दाखवली वृद्धाश्रमाची वाट

या आराखड्यास वैद्यकीय शिक्षण संचालनालयाच्या सर्व संचालकांनीही मान्यता दिलेली आहे. बारामती व दिल्ली वैद्यकीय महाविद्यालयांच्या धर्तीवर हा आराखडा तयार करण्यात आला आहे. त्यामुळे या इमारतीचे विशेष आकर्षण राहणार आहे. आराखड्यातील बांधकामे चार टप्प्यांत सार्वजनिक बांधकाम विभागाच्या निरीक्षणाखाली होणार आहेत. पहिल्या टप्प्यात मुख्य इमारत व त्यानंतर इतर इमारतींची बांधकामे होतील.

हेही वाचा: सोलापूर : शासनाने बाळंतपणासाठी दाखवली सरकारी रुग्णालयांची वाट

सातारा वैद्यकीय महाविद्यालयाच्या इमारत बांधकाम आराखड्यास सर्व संचालक मंडळाने मान्यता दिलेली आहे. त्यामुळे जानेवारीअखेरपर्यंत बांधकाम टेंडर प्रक्रिया होण्याची शक्यता आहे. एकूण ४९५ कोटींच्या इमारत आराखड्यानुसार टप्प्याटप्प्याने बांधकाम होणार आहे. त्यावर सार्वजनिक बांधकाम विभागाचे निरीक्षण राहणार आहे.

- डॉ. आर. डी. चव्हाण, डीन, सातारा शासकीय वैद्यकीय महाविद्यालय

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top