या आंदोलनाच्‍या अनुषंगानेही गुरुवारी (ता. २०) सकाळी ११ वाजता जिल्‍हा बॅंकेच्‍या सभागृहातील बैठकीत ईपीएस ९५ च्या तरतुदी व अडचणींबाबत चर्चा करण्‍यात येणार आहे.
- गिरीश चव्हाण
सातारा : शासनाच्‍या अन्‍यायकारक अध्‍यादेशाच्‍या विरोधात सर्व श्रमिक संघाच्‍या वतीने मार्च महिन्‍यात आंदोलनाचा इशारा देण्‍यात आला आहे. हे आंदोलन मुंबईतील आझाद मैदान येथे होणार असून, यासाठी नियोजनाची बैठक गुरुवारी (ता. २०) सातारा येथे आयोजित करण्‍यात आली आहे. ही बैठक पोवई नाका (Powai Naka) येथील जिल्‍हा मध्‍यवर्ती बँकेच्‍या जुन्‍या इमारतीतील सभागृहात होणार आहे.
यासाठी कॉम्रेड उदय भट, कॉम्रेड अतुल दिघे, कॉम्रेड दत्तात्रय अत्‍याळकर आदी उपस्‍थित राहणार आहेत. या सभेत मुंबईतील (Mumbai) आंदोलनासाठीचे नियोजन करण्‍यात येणार आहे. या बैठकीस सर्व गिरणी कामगार, त्‍यांच्‍या वारसांनी उपस्‍थित राहण्‍याचे आवाहन कॉम्रेड प्रमोद परामणे, कॉम्रेड शंकर पाटील यांनी पत्रकाद्वारे केले आहे.
याचबरोबर कोल्‍हापूर येथील प्रॉव्‍हिडंट फंड कार्यालयासमोर देखील आंदोलन करण्‍यात येणार आहे. या आंदोलनाच्‍या अनुषंगानेही गुरुवारी (ता. २०) सकाळी ११ वाजता जिल्‍हा बॅंकेच्‍या सभागृहातील बैठकीत ईपीएस ९५ च्या तरतुदी व अडचणींबाबत चर्चा करण्‍यात येणार आहे.
यानंतर ता. २२ रोजी पाटण येथील जिल्‍हा बॅंकेच्‍या विभागीय कार्यालयात दुपारी साडेबारा वाजता, त्‍याच दिवशी दुपारी साडेचार वाजता कऱ्हाड येथील मार्केट यार्डच्‍या जिल्‍हा बँकेत, ता. २३ रोजी वाई येथील भगवा कट्टा जवळील नवप्रकाश मंडळात सकाळी १० वाजता, ता. २३ रोजी खंडाळा येथील भैरवनाथ मंदिरात तर त्‍याचदिवशी दुपारी तीन वाजता फलटण येथील माळजाई मंदिरात बैठकीचे आयोजन करण्‍यात आले आहे. या बैठकांनाही ईपीएस ९५ च्या निवृत्तिवेतनधारकांनी उपस्‍थित राहण्‍याचे आवाहन सर्व श्रमिक संघाच्‍या वतीने करण्‍यात आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.