Satara ZP Controversy: सातारा झेडपीतील गोंधळाचे मंत्री गोरेच सूत्रधार: देसाई, मांडवे; आमचा एन्काउंटर करण्याचा पोलिसांचा होता डाव!

सातारा : जिल्हा परिषद निवडणुकीत आम्हाला मतदानापासून रोखण्यासाठी पोलिसांचा गैरवापर केला गेला. ग्रामविकासमंत्री जयकुमार गोरे या संपूर्ण प्रकरणाचे मुख्य सूत्रधार आहेत. आम्हाला झेडपीतून उचलून महाबळेश्वरला नेताना घाटात एन्काउंटर करण्याचा पोलिस निरीक्षक अरुण देवकर व सहायक निरीक्षक रमेश गर्जे यांचा डाव होता, असा आरोप जिल्हा परिषद सदस्य अनिल देसाई व संदीप मांडवे यांनी आज पत्रकार परिषदेत केला. यासंदर्भात पोलिसांविरोधात गुन्हा दाखल करणार असल्याचेही त्यांनी सांगितले.