मी कोणाच्या आव्हानाला भीक घालत नाही, मीही 96 कुळी मराठाच : शशिकांत शिंदे

सातारा : मी कोणाच्या आव्हानाला भीक घालत नाही; पण मी 96 कुळी मराठा असून, मराठा समाजाशी (Maratha Reservation) कधीही भावनिक राजकारण केले नाही. आंदोलनावेळी मराठा तरुण ज्यावेळी अडचणीत आला, त्या वेळी मी पुढाकार घेऊन त्यांना मदत केली आहे. साताऱ्यातील त्या, मुलांच्या कुटुंबीयांची समजूत काढण्यासाठी तेथे गेलेलो होतो. त्यांना कोणतीही दमबाजी केलेली नाही. ही मुले कोणत्या राजकीय पक्षाशी संबंधित असली तरी ती मराठा आहेत. त्यामुळे त्यांचे संरक्षण करायला मी समर्थ आहे, असे स्पष्टीकरण आमदार शशिकांत शिंदे (MLA Shashikant Shinde) यांनी नरेंद्र पाटलांच्या टीकेवर दिले आहे. (MLA Shashikant Shinde Criticizes Narendra Patil Satara News)

माजी आमदार नरेंद्र पाटील (Narendra Patil) यांनी आज पत्रकार परिषदेत शिंदेंवर टीका केली होती. त्याला श्री. शिंदे यांनी उत्तर दिले आहे. ते म्हणाले, ""मी मराठा आहे का नाही, हे मला व राज्यातील मराठा समाजातील नेत्यांना व तरुणांना माहीत आहे. मी कधीही मराठा समाजाचे भावनिक राजकारण केले नाही. या समाजासाठी मी प्रामाणिकपणे काम करत आहे. ज्यावेळी मराठा आरक्षणासाठी आंदोलने झाली. त्या -त्या वेळी प्युअर मराठा म्हणून आंदोलनात अगदी आझाद मैदानापर्यंत सहभागी झालो होतो. सातारा जिल्ह्यात असो, नवी मुंबईत, कळंबोली असो अनेक ठिकाणी मराठा तरुणांना अटक झाली, ते अडचणीत आले. त्या वेळी मी पुढाकार घेऊन त्यांना मदत केली आहे.

'दादा धडाडीचे नेते, उपमुख्यमंत्री झाल्यावर का बदलले'

साताऱ्यातील त्या मुलांना मीच मदत करत आहे. त्या मुलांनी भावनिक रोषातून आंदोलनाचा निर्णय घेतला असेल; पण त्यांना कोणतीही दमबाजी केलेली नाही. त्यांच्या घरी जाऊन त्यांच्या कुटुंबीयांना विनंती केली. मराठा आरक्षणाचा निर्णय हा एका पक्षाने घेतलेला नाही. मुळात ते ज्या पक्षाचे समर्थन करतात. त्या पक्षांची धोरणे स्पष्ट व्हावीत. देवेंद्र फडणवीस असो किंवा त्यांचे नेते 102 वी घटना दुरुस्ती त्यांनीच केली. कायदाही त्यांनीच केला. पुढे सरकार बदलल्यानंतर ते पुढे नेण्याचे काम आमच्या सरकारने केले. त्यांनी अभ्यास करावा. जनतेच्या भावनेशी खेळू नये.''

मी कोणाच्या आव्हानाला भीक घालत नाही. मी पक्षाशी एकनिष्ठ आहे. उदयनराजेंनी आमदार खासदारांना घराबाहेर पडू देऊ नका, या इशाऱ्यावर श्री. शिंदे म्हणाले, ""ज्यांची भूमिका स्पष्ट व प्रामाणिक असते. त्यांना कोणाचीच भीती नसते. ज्यावेळी मराठा समाजाचे आंदोलन सुरू झाले, त्या वेळी कोण पुढे होता, कोण कोणत्या पक्षात होता. आम्ही कोणत्या पक्षाबरोबर असलो तरीही आंदोलात सहभागी झालो. आंदोलनासाठी मराठा समाजाने बोलावलेल्या बैठकीला कोण आमदार, खासदार सहभागी होते, याची यादी काढा. त्यावरून कोणाला मराठा समाजाचा कळवळा आहे हे दिसून येईल.''

आमदार खासदारांना घराबाहेर पडू देऊ नका; उदयनराजेंची भुमिका

आंदोलनात सर्वात पुढे असेन

मराठा आरक्षण कोणी केले, मोदींनी केले, की फडणवीसांनी केले की या सरकारने केले, हा दोषारोप करून राजकारण करण्यापेक्षा सर्वांनी आरक्षण कसे मिळवायचे यासाठी एकत्र येणे गरजेचे आहे. यापुढे ज्या वेळी मराठा समाजाचे आंदोलन होईल. त्या वेळी शशिकांत शिंदे सर्वात पुढे असेल, असेही त्यांनी स्पष्ट केले.

MLA Shashikant Shinde Criticizes Narendra Patil Satara News