वीज वितरण कंपनीच्या पंचवीस वर्षीय शाखा अभियंत्याची किन्हईत आत्महत्या

कोरेगाव (जि. सातारा) : किन्हई (ता. कोरेगाव) येथील वीज वितरण कंपनीच्या शाखा कार्यालयात अभियंत्याने गळफास घेतल्याचे रविवारी निदर्शनास आल्याने खळबळ उडाली. या घटनेमागचे नेमके कारण अद्याप स्पष्ट झाले नाही. सूरज सुधीर देसाई (वय 25, मूळ रा. वडिलगे, ता. गारगोटी, जि. कोल्हापूर, सध्या रा. एकंबे रोड, कोरेगाव) असे मृत अभियंत्याचे नाव आहे.
 
याबाबत ग्रामस्थांकडून मिळालेली माहिती अशी, की पेठ किन्हई येथे वीज वितरण कंपनीचे शाखा कार्यालय आहे. या ठिकाणी सूरज देसाई हे चार-पाच महिन्यांपूर्वी प्रशिक्षणार्थी अभियंता म्हणून रूजू झाले होते. दरम्यान, रविवारी सकाळी आठच्या सुमारास शाखा कार्यालयामध्ये सूरज हे गळफास घेतल्याच्या स्थितीत आढळून आले. माहिती कळवल्यानंतर सातारारोड पोलिस घटनास्थळी दाखल झाले. कोरेगाव पोलिस ठाण्याच्या प्रभारी आयपीएस अधिकारी रितू खोखर यादेखील तेथे पोचल्या.

छत्रपती शाहू महाराजांच्या समाधीचे उद्या राजमाता कल्पनाराजे भोसले यांच्या हस्ते लोकार्पण

दरम्यान, या घटनेची माहिती सूरज यांच्या नातेवाईकांना कळवण्यात आली. दुपारी नातेवाईक आल्यानंतर मृतदेह विच्छेदनासाठी पाठवण्यात आला. सूरज यांच्या खिशात चिठ्ठी सापडली; मात्र त्यातील तपशिलाबाबतची माहिती समजू शकली नसल्याची चर्चा ग्रामस्थांमध्ये आहे; परंतु त्याबाबतची अधिकृत माहिती पुढे आली नाही. दरम्यान, रविवार असूनही एवढ्या सकाळी शाखा कार्यालयात सूरज हे गळफास घेतल्याच्या स्थितीत आढळून आले. या घटनेची नोंद पोलिस ठाण्यात करण्याचे काम रात्री उशिरापर्यंत सुरू होते.

Edited By : Siddharth Latkar