सातारा : प्रदूषणमुक्त प्रवासासाठी व पर्यावरणाचा समतोल राखण्यासाठी मागील महिनाभरात जिल्ह्यातील विविध डेपोंमध्ये पर्यावरणपूरक २० इलेक्ट्रिक बस दाखल झाल्या आहेत. या बसमुळे प्रदूषण कमी होणार असून, प्रवाशांना आरामदायी व वातानुकूलित प्रवास करता येणार आहे. याचबरोबर गेल्या आठवडाभरात ५० लालपरी एसटीच्या ताफ्यात दाखल झाल्या असून, पाच डेपोंना दहा बस देण्यात आल्या आहेत. वाढत्या बसच्या संख्येमुळे प्रवाशांची गैरसोय टळणार आहे.
