घरासमोर झोपलेल्या तरूणाचा गळा चिरून निर्घृण खून I Lonand | Sakal
sakal

बोलून बातमी शोधा

Lonand Crime News

राहुल अंथरुणावर रक्ताच्या थारोळ्यात पडलेल्या अवस्थेत आढळून आला.

घरासमोर झोपलेल्या तरूणाचा गळा चिरून निर्घृण खून I Lonand

लोणंद पोलीस स्टेशन (Lonand Police Station) हद्दीतील पाडेगाव (ता. फलटण) येथील शिवंचा मळा इथं घराबाहेर झोपलेल्या तरूणाचा अज्ञातांनी निर्घृण खून केल्याची घटना आज (मंगळवार) सकाळी उघडकीस आली. लोणंद पोलीस घटनास्थळी पोहचले असून चौकशी सुरू केलीय. या घटनेनंतर मोठी खळबळ उडालीय.

याबाबत अधिक माहिती अशी की, पाडेगाव गावठाण पासून 2 किलोमीटर अंतरावर असलेल्या शिवंचा मळा येथील राहुल नारायण मोहिते (वय 31) हा तरूण आपल्या घरासमोर झोपलेला होता. झेपेमध्येच त्याच्यावर अज्ञात व्यक्तीने धारदार शस्त्राने वार केला. तसेच गळा कापून त्‍याचा निर्घृण खून केला. यामध्ये राहुल याच्या गळ्यावर धारदार शस्त्राने मोठा घाव घातल्याने जखम खोलवर गेल्याने मोठ्या प्रमाणावर रक्‍त स्त्राव होऊन त्याचा जागीच मृत्यू झाला.

हेही वाचा: शिवसेनेला संपविण्यासाठी भाजपकडून सातत्यानं प्रयत्न; नीलम गोऱ्हेंचा घणाघात

दरम्यान, घरातील लोक सकाळी बाहेर आले असता त्यांना राहुल अंथरुणावर रक्ताच्या थारोळ्यात पडलेल्या अवस्थेत आढळून आला. यानंतर लोकांनी या घटनेची तत्काळ माहिती लोणंद पोलिसांना दिली. खुनाची माहिती मिळताच घटनास्थळी लोणंद पोलिस ठाण्याचे सहायक पोलीस निरीक्षक विशाल वायकर यांच्यासह पोलीस घटनास्थळी दाखल झाले. यावेळी त्यांना रक्‍ताच्या थारोळ्यात राहुलचा मृतदेह पडल्याचे दिसून आले. याप्रकरणी पोलिसांकडून पंचनामा करण्यात आला असून राहुल याचा खून नेमका कोणत्या कारणासाठी केला असावा याचा तपास लोणंद पोलीस करत आहेत. घटनास्थळी पोलीस उपअधीक्षक तानाजी बरडे यांनी भेट दिली असून पुढील तपासासाठी तपासी अधिकाऱ्यांना सूचना केल्या आहेत.

Web Title: Murder Of Youth In Padegaon At Lonand Police Station Area

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :SataraCrime News
go to top