सातारा : राष्ट्रवादी काँग्रेस शरदचंद्र पवार पक्ष व उपमुख्यमंत्री अजित पवार यांची राष्ट्रवादी काँग्रेस हे दोन्ही गट एकत्र येण्याबाबत खासदार शरद पवार यांनी केलेल्या सूचक वक्तव्यानंतर राष्ट्रवादीतील दोन्ही गटांत चर्चेला उधाण आले आहे. असे झाल्यास आम्हाला आनंदच वाटेल, अशी भावना जिल्ह्यातील राष्ट्रवादीच्या दोन्ही गटांतील कार्यकर्ते व नेत्यांकडून व्यक्त केली जात आहे, तसेच संपूर्ण पवार कुटुंब एकत्र यावे असे सर्वांना वाटत आहे. आता हा निर्णय पवार कुटुंबानेच करावा, अशी भावना व्यक्त केली जात आहे.