कऱ्हाडात डॉक्‍टरांसह व्यापारी कोरोनाबाधीत; आज टेलरींग व्यवसायिकही कचाट्यात

कऱ्हाड : बाजारपेठेत व खासगी दवाखान्यात होणारी रुग्णांची गर्दी कोरोना बाधितांच्या संख्येत वाढ करणारी ठरत आहे. त्यात चार डॉक्‍टर, तीन व्यापाऱ्यांचा समावेश असून, शहरात धास्ती वाढली आहे. रुग्णांच्या जास्त सहवासात आलेल्या हाय रिस्कमध्येही तीन डॉक्‍टरांचा समावेश आहे. त्यामुळे कोरोनाचा कहर शहराला व्यापू लागला आहे.
Video : कोल्हापूरच्या लॉकडाऊन बाबत काय म्हणाले जिल्हाधिकारी?

मुख्य बाजारपेठेत रेडिमेडचे व्यापारी नुकतेच बाधित ठरले. त्यामुळे बाजारपेठेत कोरोनाची एन्ट्री झाली अन्‌ कऱ्हाडला धक्का बसला. व्यापाऱ्यासह कोल्हापूर नाका येथील खासगी ऑर्थोपेडिक हॉस्पिटलमधील डॉक्‍टर दांपत्य बाधित सापडले. त्यामुळे शहर हादरले आहे. शहरात मागील आठवड्यात मंगळवार पेठेतील दोन लहान मुले बाधित सापडल्यानंतर डॉक्‍टर दांपत्यासह व्यापारी बाधित ठरले आहेत. शहरातील बाधितांची संख्या 19 वर पोचली हाेती. त्यातील एकाच मृत्यू झाला आहे. कोरोनापासून तब्बल दोन महिने दूर राहिलेल्या शहरात अखेर 30 जून रोजी शिरकाव केला. तेव्हापासून बाधितांची संख्या वाढतेच आहे. 16 दिवसांत तब्बल 19 रुग्ण सापडल्याने शहरात धास्ती आहे. अलीकडे 10 दिवसांत संख्या वाढून 13 वरून 19 वर गेली आहे. पालिका सतर्क आहे. मात्र, बाधितांच्या सहवासात आलेले बाधित ठरत आहेत. त्यात मार्केट यार्ड परिसरातील एका बाधिताचा मृत्यू झाला. शहरातील डॉक्‍टर आणि व्यापारी बाधित होऊ लागले आहेत. त्यांच्या खासगी दवाखाना, दुकानात होणारी गर्दी अधिक धोकादायक ठरली आहे.

नितीन भरगुडे म्हणाले, राजकारण बाजूला ठेऊन एकत्र या; कंपन्यांनी तूर्तास बंद पाळा
 

शहरातील रेडिमेड दुकानचे व्यापारी बाधित सापडल्यानंतर कटलरी व अन्य साहित्य विकणारा व्यापारी बाधित सापडला आहे. तिन्हीपैकी दोन रुग्णांच्या संपर्कात डॉक्‍टरच आले आहेत. ते हायरिस्कमध्ये आहेत. त्यामुळे घबराट पसरली आहे. कोल्हापूर नाक्‍यावरील एका हॉस्पिटलमधील डॉक्‍टर दांपत्य बाधित आहे. त्यांचे आर्थोपेडिकचे हॉस्पिटल आहे. त्यांच्या हॉस्पिटलमध्ये गर्दी झाल्याने त्यातील लक्षणे न दिसणारा रुग्ण आल्यामुळे दांपत्याला बाधा झाल्याचा अंदाज व्यक्त होत आहे. संबंधित डॉक्‍टरांचा दवाखाना सील केला आहे. अन्य एक व्यापारी पॉझिटिव्ह आल्याने तो राहात असलेला रणजित टॉवर परिसर सील केला आहे. त्यांच्या संपर्कातील नागरिकांना क्वारंटाइन केले आहे. 

साताऱ्यात दारूसह साडे दहा लाखांचा मुद्देमाल जप्त, मटण विक्रेत्यावरही गुन्हा 

पाच ठिकाणी आढळले रुग्ण 

शहरात 30 जूनपासून बाधितांची संख्या वाढली आहे. सातारा, ठाणे अशा बाहेरून आलेल्यांमुळे साखळी तयार झाली आहे. त्यामुळे रुक्‍मिणी विहार, बनपुरीकर कॉलनी, कार्वे नाका, रणजित टॉवर, मंगळवार पेठ अशा ठिकाणी प्रतिबंधात्मक क्षेत्र तयार झाले आहेत.

कऱ्हाडच्या बाजारपेठेतील आणखी टेलरींग व्यवसायिकही कोरोनाबाधीत ठरले आहेत. शहरात कोरोनाबाधीत झालेल्यांची संख्या 22 वर पोचली आहे. बाजारपेठेतील कोरोनाबाधीत रेडीमेड दुकानदरांच्या सहवासात आल्याने टेलरींग व्यवसायिक बाधीत झाले असावेत, असा प्रशासनाचा अंदाज आहे. त्याची माहिती घेण्याचे काम सुरू आहे. तोपर्यंत संबधित व्यवसायिक राहत असलेले ठिकाण सील करण्यात आले आहे. पालिकेने आज (रविवार) त्या परिसरात निर्जंतुकीकरण केले आहे. 
संपादन - सिद्धार्थ लाटकर