गोडोलीत बाधितांसाठी मोफत औषधोपचारासह Oxygen Bed; पंचायतीचा पुढाकार

सातारा : जिल्ह्यात कोरोनाच्या (Coronavirus) वाढत्या रुग्णसंख्येमुळे नागरिकांना बेडअभावी उपचार मिळणे जिकिरीचे झाले आहे. या परिस्थितीत कोरोना रुग्णांसाठी पंचायत समिती सदस्य आशुतोष चव्हाण व विनोद मोरे मित्र समूह गोडोली व विलासपूर ग्रामस्थांच्या सहकार्यातून गोडोली येथील धनलक्ष्मी मंगल कार्यालयात 30 बेडचे मोफत (Oxygen Bed) विलगीकरण कक्षाची सुविधा उपलब्ध करण्यात आली आहे. (Oxygen 30 Bed Facility At Godoli Satara News)

या कक्षाचे उद्‌घाटन बाबा फाळके, राजेंद्र पाटील यांच्या हस्ते करण्यात आले. या वेळी नगरसेवक शेखर मोरे, शशिकांत पारेख, बाळासाहेब महामुलकर, धनंजय शिंदे, पोपट मोरे, अमित यादव, दत्ता घोरपडे, विद्याधर शिंदे आदी उपस्थित होते. या विलगीकरण केंद्रात महिलांसाठी स्वतंत्र कक्षाची उभारणी करण्यात आली आहे. याप्रसंगी आशुतोष चव्हाण म्हणाले, "जिल्ह्यात कोरोनाचे रुग्ण झपाट्याने वाढताना दिसत आहेत. त्यामुळे, अनेक नागरिकांना ऑक्‍सिजन, व्हेंटिलेटरअभावी उपचार मिळत नाही.

तसेच, जिल्ह्यातील कित्येक बाधित रुग्णांना विलगीकरणाची अडचण असल्याचे दिसून येत आहे. अनेक बाधित गृह विलगीकरणात असताना वैद्यकीय उपचार मिळत नसल्याने जिवाला धोका निर्माण होण्याची शक्‍यता आहे. या परिस्थितीत संशयित व बाधित रुग्णांसाठी विलगीकरण कक्षाची सोय करण्यात आली आहे. या ठिकाणी 30 बेडची सोय करण्यात आली असून, रुग्णांना मोफत औषधोपचार, जेवण, नाष्टा देण्यात येणार आहे.'' तसेच HRCT Score 5 पेक्षा कमी असायला हवा. या कक्षात HRCT Score आणि Oxygen Level ही तपासली जाणार आहे. विलगीकरण कक्षात रुग्णांवर डॉ. ऋतुराज देशमुख, डॉ. अविना पाटील, डॉ. रेश्‍मा दबडे, डॉ. प्रसाद कदम, डॉ. पल्लवी कदम यांच्याकडून उपचार केले जाणार आहेत. hrct 5 पेक्षा कमी पाहिजे.

सातारा : शे-पाचशे घेऊन मृताचा चेहरा दाखविणा-यांची हाेणार चाैकशी

Oxygen 30 Bed Facility At Godoli Satara News