पद्मश्री पुरस्कार विजेते बनबिहारी निंबकर यांचं निधन

कोळकी (सातारा) : भारतीय शेती क्षेत्रामधील प्रथम संशोधक, पद्मश्री पुरस्कार (Padmashri Award) विजेते बनबिहारी विष्णू निंबकर (Banbihari Nimbkar) यांचे वयाच्या 90 व्या वर्षी वृद्धापकाळाने नुकतेच निधन झाले. त्यांचे पार्थिव फलटणातील (निंबकर भवन, जिंती नाका) या राहत्या घरी अंत्यदर्शनासाठी ठेवण्यात आलेय. त्यांच्या पश्चात नंदिनी निंबकर, मंजिरी निंबकर व चंदा निंबकर या तीन मुली, पत्नी, जावई व नातवंडे असा परिवार आहे.

बनबिहारी यांनी निंबकर अॅग्रीकल्चर रिसर्च इन्स्टिट्यूटच्या (Nimbkar Agriculture Research Institute) माध्यमातून शेती क्षेत्रात विशेष योगदान दिलं. त्यांचे शेती बियाणे व शेळी मेंढी पालन या व्यवसायामध्येही विशेष योगदान होते. त्यांच्या कामाची दखल घेवून त्यांना भारत सरकारनं सन 2006 रोजी पद्मश्री पुरस्काराने सन्मानित केलं होतं. तसेच 2016 रोजी जमनालाल बजाज अॅवाॅर्ड पुरस्कारानेही गौरविण्यात आलं होतं.

बनबिहारी यांचा जन्म १७ जुलै १९३१ रोजी गोवा येथे झाला, तर १९५६ साली फलटणात त्यांनी शेती बियाणांमध्ये संशोधन करून 'निंबकर सिडस्' (Nimbkar Seeds) नावाने बाजारात आणले. १९६८ रोजी निंबकर अॅग्रीकल्चर रिसर्च इन्स्टिट्यूटचीही (नारी) त्यांनी स्थापना केलीय. त्यांच्या या निधनाने हळहळ व्यक्त केली जात आहे.