आशा स्वयंसेविकेस डाळमोडीत मारहाण

कातरखटाव (जि. सातारा) : डाळमोडी (ता. खटाव) येथील आशा स्वयंसेविका वनिता भुजबळ यांचा कोविड सर्व्हे सुरू असताना तिघांनी मारहाण केल्याचा प्रकार घडला. याबाबत आशा स्वयंसेविकेने वडूज पोलिसांना दिलेल्या तक्रारीनुसार, वनिता भुजबळ या डाळमोडी येथे आशा स्वयंसेविका म्हणून काम करीत आहेत.

त्या गावातील कोरोना सर्व्हे करून दररोज माहिती आरोग्य खात्याला देत असतात. गावतील खोडसे कुटुंबाचा सर्व्हे करण्यासाठी गेल्या असता भुजबळ यांना काही अपशब्द बोलण्यात आले. आम्हाला कोरोना झाला नाही, असे म्हणत शकुंतला खोडसे यांनी काठीने पाठीत मारहाण करून ढकलून दिले. भुजबळ यांना मारहाण करून उलट त्यांच्यावरच खोडसे यांनी पोलिसात तक्रार दाखल केली. आरोग्य खात्याचा पाठपुरावा घेऊन भुजबळ यांनी शकुंतला खोडसे, इंद्रजित खोडसे, राज खोडसे यांच्याविरुद्ध वडूज पोलिसांकडे तक्रार नोंदवली.

UPSC परीक्षा जवळ आली असतानाच वडिलांना कोरोनाची बाधा झाली. त्यांना ICU त ठेवले, पुढे काय झाले वाचा सविस्तर

कोरेगाव तालुक्‍यात काश्मीरची झलक; पिंपोडेसह वाठारला गारांचा खच