दुधेबावी/ आसू : फलटण शहरासह तालुक्यात आज सकाळी सहा वाजल्यापासून पडलेल्या मुसळधार पावसामुळे जनजीवन विस्कळित झाले आहे. नदी, ओढे, नाले भरून वाहत असल्याने पूरसदृश परिस्थिती निर्माण झाली आहे. बाणगंगा धरण ऐन उन्हाळ्यात पहिल्यांदा पूर्ण क्षमतेने भरले असून, पूरसदृश परिस्थिती निर्माण झाली आहे. धरणे भरून वाहत आहेत. विविध गावांत घरात पाणी जाऊन मोठे नुकसान झाले आहे. फलटण, तरडगाव, बरड, विडणी कृषी मंडलात भुईमूग, कांदा, टोमॅटो, डाळिंब आदी पिकांचे नुकसान झाले आहे.