ठाण्याच्या सहाय्यक आयुक्तांवरील हल्ल्याचा कऱ्हाडात निषेध

कऱ्हाड (सातारा) : ठाणे महापालिकेच्या (Thane Municipal Corporation) सहाय्यक आयुक्त कल्पिता पिंपळे (Assistant Commissioner Kalpita Pimple) यांच्यावरील हल्ल्याचा येथील पालिकेत आज निषेध झाला. यावेळी काळ्या फिती लावून कर्मचाऱ्यांनी घोषणा बाजी करत निषेध नोंदवला. दरम्यान, पालिकेच्या कर्मचाऱ्यांनी निषेध करणारी मनोगतेही व्यक्त केली.

या हल्ल्याच्या निषेधार्थ वेळ पडली, तर काम बंद आंदोलन करणार असल्याचे मुख्याधिकारी रमाकांत डाके (Ramakant Dake) यांनी सांगितले. ठाणे महापालिकेच्या सहायक आयुक्त कल्पिता पिंपळे यांच्यावर अतिक्रमण हटाव मोहिमेवेळी हल्ला झाला होता. त्या हल्ल्यात कल्पिता यांची दोन बोटे कापली गेली आहेत. हातासह डोक्यावरही जखम झाली आहे. पिंगळे यांच्या अंगरक्षकही जखमी आहेत. या भ्याड हल्ल्याचा आज येथे निषेध करण्यात आला. आरोग्य अभियंता आर. डी. भालदार, एन. एस. पवार, एम. एच. पाटील, कामगार संघटनेचे आनंदा खवळे, वरिष्ठ मुकादम मारुती काटरे, सुनिता आठवले यांच्यासह उपस्थित होते.