Rahul Gandhi in Mahabaleshwar : मित्राच्या अंत्यविधीसाठी राहुल गांधी महाबळेश्‍वरात

महाबळेश्वर : संसदेचे विरोधी पक्षनेते खासदार राहुल गांधी हे आपले मित्र रायन बनाजी यांच्या अंत्यविधीसाठी आज महाबळेश्‍वरला आले होते. मित्राच्या कुटुंबीयांचे सांत्वन करून विधी पूर्ण होईपर्यंत ते थांबले होते. राहुल गांधी यांच्या उपस्थितीत बनाजी यांच्या पार्थिवाचा पारशी स्मशानभूमीत दफनविधी झाला. सर्व सोपस्कार उरकूनच राहुल गांधी दुपारी पुण्याला रवाना झाले.