कऱ्हाडला विजांच्‍या कडकडाटासह पाऊस | Sakal
sakal

बोलून बातमी शोधा

कऱ्हाडला विजांच्‍या कडकडाटासह पाऊस

कऱ्हाडला विजांच्‍या कडकडाटासह पाऊस

कऱ्हाड - परिसरात कालपासून सलग दुसऱ्या दिवशी आज दुपारी तीनच्या सुमारास विजांच्या कडकडाटासह पावसाने हजेरी लावली. काल उंब्रज परिसरात वीज कोसळल्याच्या घटना घडल्या. उंब्रजला रस्त्यावरच मोठा खड्डा पडला. दुपारी झालेल्या पावसाने अनेकांची तारांबळ उडाली. शहरासह तालुक्याला पावसाने झोडपल्याने नागरिकांसह विक्रेत्यांची धावपळ उडाली.

शहरासह परिसरात आज दुपारी तीनच्या सुमारास पावसाच्या जोरदार सरी आल्या. विजांच्या कडकडाटासह सुरू झालेल्या पावसामुळे नागरिकांची तारांबळ उडाली. शहरासह तालुक्यातील विविध भागांत पावसाने हजेरी लावली होती. अवकाळी पावसामुळे काही पिकांचे नुकसान झाले. दुपारी पावसाला सुरुवात झाली. अचानक आलेल्या पावसाने बाजारपेठेत तारांबळ उडाली. खरेदीला आलेले नागरिक निवाऱ्यासाठी धावत होते. भाजीमंडईतील विक्रेत्यांचे पावसाने नुकसान झाले. तालुक्याच्या दक्षिण भागात जोरदार सरी झाल्या. उत्तर भागात सायंकाळी सहानंतर पावसाने हजेरी लावली होती.

उंब्रजला वीज पडून खड्डा

उंब्रज : येथे वाऱ्यासह विजांच्या कडकडाटात पावसाने हजेरी लावली. या वेळी मार्केट यार्ड परिसरात सायंकाळी वीज पडून मोठा खड्डा पडला. त्यामुळे नागरिकांची तारांबळ उडाली. पावसात येथील शेती उत्पन्न बाजार समिती इमारतीच्या आवारात विजांचा कडकडाट होऊन वीज पडली. त्यामुळे तेथे खड्डा निर्माण झाला. खड्ड्यात अंतर्गत दोन छिद्रे पडली असून, ती किती फूट आहे ते समजू शकले नाही. वीज पडल्यानंतर घटनास्थळी धूर झाला. सुमारे दोन तासांनंतरही खड्ड्यातून धूर येत होता. खड्ड्यातील माती काळी पडली होती. तासभर पडलेल्या पावसाने झोडपून काढल्याने रस्त्यावर पाणी साचून नाले, ओढे तुडुंब भरून वाहत होते.

Web Title: Rain With Thunder And Lightning

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top