मेढा (जि. सातारा) : जावळी तालुक्यात पावसामुळे भात, भुईमूग, सोयाबीन यांसह पिकांचे मोठे नुकसान झाले. याच पार्श्वभूमीवर प्रभारी तहसीलदार मिलिंद घाटगे यांनी प्रत्यक्ष शेतकऱ्यांच्या बांधावर जाऊन पाहणी करून तातडीने पिकांच्या नुकसानीचे पंचनामे करण्याचे आदेश महसूल, कृषी व पंचायत समितीमधील संबंधित यंत्रणेला दिले.
पावसामुळे हातातोंडाशी आलेली पिके भुईसपाट झाल्याने शेतकरी अडचणीत आहेत. मेढा, केळघर, कुसूंबी, बामणोली, करहरसह पश्चिम भागात प्रामुख्याने भात पिकासह नाचणी, हायब्रीड, भुईमूग, सोयाबीन पावसाने भुईसपाट झाल्यामुळे शेतकऱ्यांचे नुकसान झाले आहे. पावसामुळे पिकांच्या नुकसानीची माहिती तहसीलदार घाटगे यांनी शेतात जाऊन घेतली. या वेळी गटविकास अधिकारी सतीश बुध्दे यांच्यासह तालुका कृषी अधिकारी व त्यांच्या सहकाऱ्यांनी पाहणी केली. जिल्हाधिकारी शेखर सिंह व प्रांताधिकारी मिनाज मुल्ला यांच्या सूचनेनुसार जावळीतील प्रशासकीय यंत्रणेला शेतकऱ्यांच्या बांधावर जाऊन थेट पंचनामे करण्याचे आदेश नुकतेच तहसीलदार घाटगे यांनी दिले.
प्रांताधिकाऱ्यांची चिखल तुडवत पाहणी
प्रांताधिकारी मिनाज मुल्ला यांनीही जावळी तालुक्यातील काही नुकसानग्रस्त शेतकऱ्यांच्या शेतामध्ये अगदी चिखल तुडवत पाहणी करून तातडीने पंचनामे करून घेण्याच्या सूचना दिल्या. प्रांताधिकारी मुल्ला यांची शेतकऱ्यांविषयीची तळमळ पाहून शेतकरी हळहळले.
संपादन : बाळकृष्ण मधाळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
