वाह, क्या बात है! स्वतः रिक्षा चालकांनीच बुजवले रस्त्यावरचे खड्डे

वाह, क्या बात है! स्वतः रिक्षा चालकांनीच बुजवले रस्त्यावरचे खड्डे

सातारा : सातारा-कोरेगाव स्त्यावर खावली पर्यंत मोठ्या प्रमाणावर खड्डे पडले आहेत. छोटे-मोठे अपघात होत आहेत. मात्र, याकडे संबंधित प्रशासनाचे दुर्लक्ष होत असल्याने स्वतः रिक्षा चालकांनी या मार्गावरील खड्डे भरून घेत, रस्ता मजबुत केला आहे. या त्यांच्या कृतीचे सर्वत्र कौतुक होत आहे.

सातारा-कोरेगाव रस्त्यावर संगम माहुली पुलाच्या दोन्ही बाजूला कृष्णा-वेण्णा नदी वाहते पूल अरूंद असल्याने वाहनचालकांना पुलावरून गाडी चालवताना कसरत करावी लागते. दुर्दैवाने चालकाचा गाडीवरील ताबा सुटून गाडी खाली कोसळली तर गंभीर अपघात होण्याची भीती आहे. अशा घटना यापूर्वी घडल्या असून पुलाच्या धोकादायक वळणामुळे दिवसेंदिवस अपघाताची संख्या वाढत चालली आहे. तसेच सातारापासून खावली पर्यंत रस्त्यावर मोठ्या प्रमाणावर खड्डे पडले आहेत. 

सातारा-पंढरपूर रस्त्याच्या चौपदरीकरणाचे काम चालू झाले असून रस्त्यावर मोठ्या प्रमाणावर खड्डे झाले आहेत. गाड्यांचे अपघात होताहेत. नुकतेच संगम माहुली गावातील रिक्षाचालक स्टाॅप संघटना युवकांनी येथील खड्डे भरले व रस्ता मजबुत केला. यावेळी उध्दव सावंत, प्रकाश नेवशे, अमोल कोळपे, चंद्रकात घोरपडे, सुनिल सुतार, नितीन घोरपडे, लखन सुपेकर, राहुल पडवळ यांनी एकत्र येवून रस्त्यावरचे खड्डे मुरूम टाकून भरून घेतले. या त्यांच्या कृतीचे सर्वत्र कौतुक होत आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com