Sadawaghapur: 'सडावाघापूरचा निसर्ग घालतोय तरुणाईला साद'; प्रशासनाच्या नियम- अटींच्या अधीन राहून पर्यटक लुटताहेत आनंद

-यशवंतदत्त बेंद्रे

तारळे : सडावाघापूर पठार म्हणजे पावसाळी पर्यटनाचा परमोच्च बिंदू. पावसाची चाहूल लागली, की पर्यटकांची पावले आपोआप पठाराकडे वळतात. त्यात तरुणाईची संख्या अधिक असते. शाळकरी, महाविद्यालयीन तरुण- तरुणींचे जथ्थेच पठारावर धडकू लागतात. पाऊस, वारा, गारठा याची पर्वा न करता तरुणाई बेधुंद होत असल्याचे चित्र पठारावर पाहायला मिळत आहे.