शिखर शिंगणापूर : येथील शंभू महादेव यात्रेत बुधवारी मुंगी घाटातील कावड सोहळा भक्तिमय वातावरणात झाला. मानाच्या कावडी चढविताना ‘हर हर महादेव’च्या जयघोषाने डोंगर दुमदुमून गेला. भक्तीशक्तीचा हा विराट सोहळा पाहण्यासाठी मुंगी घाट परिसरात लाखो भाविकांची उपस्थिती होती. रात्री उशिरा सासवड येथील भुतोजीबुवा तेली यांच्या मानाच्या कावडीने शंभू महादेवाच्या पिंडीवर जलाभिषेक केल्यानंतर यात्रेची सांगता झाली.