दहिवडी : चंदनाचे झाड चोरल्याच्या गुन्ह्यात शिक्षा सुनावलेल्या व तीन वर्षे फरारी असलेल्या आरोपीस शिताफीने पकडण्याची कामगिरी दहिवडी पोलिसांनी केली आहे. याबाबतची माहिती अशी, की राणंद (ता. माण) येथील जगदाळे वस्तीवर राहणाऱ्या शरद लक्ष्मण चव्हाण यांच्या शेताचे बांधावर असलेले चंदनाचे झाड २१ डिसेंबर २०२० मध्ये रात्री साडेसात वाजण्याच्या सुमारास सूर्यकांत संपत खरात (रा. खरात वस्ती दहिवडी, ता. माण) हा चोरी करताना सापडला होता. याबाबत दहिवडी पोलिस ठाण्यात चोरीचा गुन्हा दाखल करण्यात आलेला होता.