माशाच्या गळाला लागला बाँम्ब; घटनास्थळी पोलिसांसह ATS दाखल

तांबवे (जि. सातारा) : तांबवे गावाजवळील कोयना नदीपात्रात आज (साेमवार) सकाळी अकराच्या सुमारास हात (ग्रेनाईड) बॉम्ब सापडले. त्याची माहिती मिळताच पोलिसांचा फौजफाटा परिसरात तैनात झाल आहे. प्रथमदर्शनी ते बॉम्ब सैन्यदलाचे असल्याची माहिती मिळत आहे. पोलिसांकडून त्याची खातरजमा करण्याचे काम सुरु आहे.

तांबवे गावाजवळील कोयना नदीपात्रात आज (साेमवार) सकाळी मासेमारीसाठी युवकांनी जाळे लावले होते. जाळे काढताना त्यांना नेहमीपेक्षा जाळी जड लागली. त्यामुळ त्यांना मोठा मासा असावा असा संशय आला. त्यांनी जाळी बाहेर काढत असताना त्यांना तीन बॉम्बसदृश्य वस्तु असल्याचे दिसले.

त्यांनी तात्काळ पोलिसांना याची माहिती दिली. पोलिसांनी घटनास्थळी पोहचुन ते बॉम्ब ताब्यात घेतले आहे. प्रथमदर्शनी ते बॉम्ब सैन्यदलाचे असावे असा अंदाज व्यक्त केला जात आहे. संबंधित ठिकाणी दहशतवाद विरोधी पथकही दाखल झाले आहे.

ब्लाॅग वाचा