सरपंचपदाच्या निवड स्थगितीत कऱ्हाड तालुक्यातील गावाचा समावेश

सातारा - कऱ्हाड : मुंबई उच्च न्यायालयाने सातारा, सांगली व कोल्हापुर जिल्ह्यातील काही ग्रामपंचायतीच्या सरपंच निवडीस शुक्रवारी (ता.५) स्थगिती दिली आहे. आपल्या गावातील सरपंच निवडी पुढे जाणार की काय अशा चर्चा गावोगावच्या पारावर आज रंगल्या. यामध्ये ज्या ग्रामपंचायतीच्या सरपंच निवडीवर, आरक्षणावर आक्षेप आहे, त्या तालुक्याचा समावेश आहे अशीही चर्चा रंगू लागली. दरम्यान सद्यस्थितीत सातारा जिल्ह्यातील किती ग्रामपंचायतींचा यामध्ये समावेश आहे हे समूज शकले नसले तरी कराड तालुक्यातील पोतले ग्रामपंच्यातीच्या सरपंच निवडीस स्थगिती मिळाली आहे. याबाबत तहसलीदार तथा निवडणुक निर्णय अधिकारी अमरदीप वाकडे यांनी ई-'सकाळ'शी बाेलताना दुजाेरा दिला. 

पूर्वनियोजित कार्यक्रमानुसार येत्या आठ ते ११ फेब्रुवारी या कालावधीत नवीन सरपंच निवडी हाेणार हाेत्या. परंतु या कार्यक्रमाला मुंबई उच्च न्यायालयाने शुक्रवारी (ता.५) स्थगिती दिली. निवडीचा पूर्वनियोजित कार्यक्रम स्थगित करून, येत्या नऊ तारखेला पहिल्यांदा सरपंचपदाच्या आरक्षणाबाबत प्राप्त झालेल्या तक्रारींवर जिल्हाधिकाऱ्यांनी सुनावणी घेण्याचा आदेश उच्च न्यायालयाने दिला आहे. त्यानंतर १६ फेब्रुवारीला नवीन सरपंच निवडावेत, असेही या आदेशात नमूद केले आहे. पुणे, कोल्हापूर, सांगली, सातारा, सोलापूर आणि नाशिक या सहा जिल्ह्यांमधून नवीन सरपंच निवडींना आव्हान देणाऱ्या याचिका मुंबई उच्च न्यायालयात दाखल झाल्या हाेत्या. या सर्व याचिकाकर्त्यांनी येत्या आठ ते ११ फेब्रुवारी या कालावधीत आयोजिल्या सरपंच निवडीला स्थगित करण्याची मागणी केली हाेती. या याचिकांवर शुक्रवारी (ता.५) न्यायमूर्ती एस.. जे. काथावाल्ला आणि न्यायमूर्ती विनय जोशी यांच्या खंडपीठासमोर सुनावणी झाली. या सुनावणीनंतर न्यायालयाने हा आदेश दिला आहे.

मारिया आम्हांला माफ कर, आम्हीही सचिन तेंडूलकरला ओळखत नाही

राष्ट्रवादीच्या नेत्याच्या पाठीशी अजित पवार; कुणाच्या धमकीला घाबरण्याचे कारण नाही

आता अधिकारी, कर्मचाऱ्यांची उदयनराजे करणार ओपन हार्ट सर्जरी?

कराड तालुक्यातील पाेतले ग्रामपंचयातीच्या सरपंच निवडीस उच्च न्यायालयाने स्थगिती दिली आहे. या निवडी बाबत ऋतुजा बाळासाहेब जगताप यांनी याचिका दाखल हाेती.  या ग्रामपंचायतीची सरपंच निवड पुढे गेल्याचे तहसीलदार वाकडे यांनीही सांगितले.