साताऱ्यातील तीन हॉटेल मालकांवर गुन्हा दाखल 

सातारा : जिल्हाधिकाऱ्यांचा बंदी आदेश जुगारून हॉटेल सुरू ठेवल्याने शाहूपुरी पोलिसांनी साताऱ्यातील तीन हॉटेल मालकांवर आपत्ती व्यवस्थापन कायद्यांतर्गत गुन्हा दाखल केला आहे. पोलिसांनी दिलेल्या माहितीनुसार, जिल्हाधिकाऱ्यांचा बंदी आदेश जुगारून शहरातील ही तीन हॉटेल्स पार्सल सुविधा देण्याऐवजी ग्राहकांना सेवा देत होते.

या प्रकरणी यादोगोपाळ पेठेतील श्रीराम वडापाव सेंटर क्रमांक तीनचे मालक अशोक बजरंग पवार (रा. शाहूनगर), हॉटेल भोलाचे मालक संदीप सचिन गायकवाड (रा. व्यंकटपुरा पेठ), तसेच राजवाडा चौपाटीजवळील प्रकाश फास्ट फूड व स्नॅक सेंटरचे मालक केदार उल्हास भोसले (रा. समर्थमंदिर) यांच्यावर शाहूपुरी पोलिस ठाण्यात जिल्हाधिकाऱ्यांच्या आदेशाचे उल्लंघन व आपत्ती व्यवस्थापन कायद्याप्रमाणे गुन्हा दाखल केला आहे. याबाबत हवालदार ओंकार अंकुश यादव यांनी तक्रार दिली आहे.

बैठकीतच उदयनराजे म्हणाले ज्या ठिकाणी अडचण आहे, तेथे मला सांगा 

उत्तर प्रदेशातील दोघा युवकांवर गुन्हा 

सातारा : कोरोनाचा प्रादुर्भाव वाढत असताना जिल्हा बंदीचे उल्लंघन करून दुचाकीवरून गोरखपूर (उत्तर प्रदेश) येथून दौलतनगर सातारा येथे आलेल्या दोघा युवकांवर शाहूपुरी पोलिसांनी गुन्हा दाखल केला आहे.

सुरजकुमार श्रीमुलचंद वर्मा (वय 21) व श्‍याम मुन्नी वर्मा (वय 20) दोघे रा. वृदांवन कॉलनी, दौलतनगर, मूळचे गोरखपूर वस्ती (उत्तर प्रदेश) यांच्यावर गुन्हा दाखल करण्यात आला आहे. विना परवानगी सातारा जिल्ह्यात प्रवेश केल्याप्रमाणी संबंधित युवकांवर हवालदार धनंजय कुंभार यांनी शाहूपुरी पोलिसांत गुन्हा दाखल केला आहे.

सातारा : आठ तालुके, 48 बाधित : वाचा तुमच्या परिसरातील किती रुग्ण?

सांगलीचा कोरोनाबाधित काले गावातील घरात जेवला अन् गावात पसरली धास्ती...