esakal | पुरंदर तालुक्‍यातील पोमणनगरच्या युवकाचा खून; गुंड अटकेत
sakal

बोलून बातमी शोधा

arrest

पुरंदर तालुक्‍यातील पोमणनगरच्या युवकाचा खून; गुंड अटकेत

sakal_logo
By
गिरीश चव्हाण

सातारा : कारागृहातील वादाच्‍या रागातून पुरंदर (purandar) तालुक्‍यातील पोमणनगरमधील (पिंपळे) मंगेश सुरेंद्र पोमण (वय ३५) याचा खून करत मृतदेह वाठार बुद्रुक येथील कालव्‍यात फेकण्‍यात आला होता. याप्रकरणी लोणंद पोलिसांनी (lonand police) वैभव सुभाष जगताप (वय २८, रा. पांगारे, ता. पुरंदर, जि. पुणे) या सराईत गुन्‍हेगाराला अटक (arrest) केली आहे. अटकेतील जगताप याचा साथीदार फरारी असून, त्‍याचा शोध सुरू असल्‍याची माहिती अतिरिक्‍त पोलिस अधीक्षक धीरज पाटील यांनी शनिवारी पत्रकार परिषदेत दिली. (satara-crime-news-lonand-police-arrested-criminal-from-purandar-pune)

अतिरिक्‍त पोलिस अधीक्षक धीरज पाटील म्हणाले वाठार बुद्रुक (ता. खंडाळा) येथील नीरा उजवा कालव्‍यात ता. ८ रोजी विवस्‍त्रावस्‍थेतील युवकाचा मृतदेह सापडला होता. त्‍या युवकाचा गळा दाबून खून केल्‍याचे शवविच्‍छेदनानंतर समोर आले होते. या गुन्ह्याचा तपास पोलिस उपअधीक्षक तानाजी बरडे यांच्‍या सूचनेनुसार लोणंदचे सहा‍यक निरीक्षक विशाल वायकर करत होते. यासाठी वायकर यांनी उपनिरीक्षक गणेश माने, सहायक फौजदार शौकल सिकिलकर, देवेंद्र पाडवी, कर्मचारी महेश सपकाळ, अंकुश इवरे, अविनाश नलवडे, संतोष नाळे, ज्ञानेश्‍वर मुळीक, श्रीनाथ कदम, अभिजित घनवट, सागर धेंडे, अविनाश शिंदे, विठ्ठल काळे, फैयाज शेख, अमोल पवार, शशिकांत गार्डी, गोविंद आंधळे, केतन लाळगे, प्रिया दुरगुडे, मल्‍हारी भिसे यांची पथके केली होती.

हेही वाचा: उदयनराजेंच्‍या आजूबाजूला जादूगार, ते ऐनवेळी कुठेही प्रकट होतात

तपासादरम्‍यान तो मृतदेह पोमणनगर येथील मंगेश पोमण याचा असल्‍याचे समोर आले. बाललैंगिक अत्‍याचार कायद्यानुसार येरवडा कारागृहात शिक्षा भोगणारा पोमण हा काही दिवसांपूर्वीच जामिनावर बाहेर आल्‍याचे पोलिसांना समजले. यानुसार पोलिसांनी केलेल्‍या तपासादरम्‍यान येरवडा कारागृहात असताना पोमण याची खून व इतर गंभीर गुन्ह्यात शिक्षा भो‍गणाऱ्या वैभव सुभाष जगताप आणि ऋषिकेश दत्तात्रय पायगुडे (रा. कुडजे, ता. हवेली, जि. पुणे) यांच्‍याशी वाद झाल्‍याचे समजले, तसेच जगताप आणि पायगुडे हेदेखील कारागृहातून जामिनावर बाहेर असल्‍याचे समजले.

हेही वाचा: गाेळीबार प्रकरणी इंदापूरसह, बारामतीचे युवक पोलिस कोठडीत

यानुसार पोलिसांनी पांगारे येथे जाऊन जगताप याला ताब्‍यात घेतले. चौकशीत जगतापने कारागृहात झालेल्‍या वादाच्‍या रागातून मंगेश पोमण याचा पायगुडेच्‍या मदतीने गळा दाबून खून करत मृतदेह वाठार बुद्रुक येथे टाकल्‍याची कबुली दिली. यानुसार जगतापला अटक करण्‍यात आली असून, त्‍याचा साथीदार पायगुडे हा फरारी आहे.

ब्लाॅग वाचा

loading image
go to top