सहा महिने पाचगणीत राहिल्याने गाल यांच्यावर दाखल झाला गुन्हा

भिलार (जि. सातारा) : पाचगणी येथे परदेशी नागरिक कायदा उल्लंघन प्रकरणी दोन परदेशी नागरिकांवर गुन्हा दाखल झाला आहे. याबाबत पाचगणी पोलीस ठाण्यातून मिळालेली अधिक माहिती अशी - इथोपिया देशाचे नागरिक अब्देला महंमद गाल व ओमर महंमद गाल हे त्यांचे व्हीसाची मुदत संपलेली असताना देखील येथे वास्तव्यास राहिले. त्यामुळे त्यांच्यावर गुन्हा दाखल करण्यात आला आहे. 

खरं तर संबंधितांनी व्हीसाची मुदतवाढ करून घेणे गरजेचे असतानाही त्यांनी तसे केले नाही. वैध व्हीसा नसताना पाचगणी (ता. महाबळेश्वर) येथील डिसोझा एज्युकेशन ट्रस्ट ठिकाणी 15 ऑगस्ट 2020 ते 15 जानेवारी 2021 असे पाच महिने  वास्तव्य केले म्हणून संबंधित परदेशी नागरिकांवर परदेशी नागरिक कायदा 1946 ते कलम 14 (अ) (ब) चे उल्लंघन केले प्रकरणी गुन्हा दाखल करण्यात आला आहे.

याबाबतची फिर्याद काॅन्सटेबल वैभव शामराव भिलारे यांनी दिली आहे. या घटनेचा अधिक तपास पाचगणी पोलिस ठाण्याचे सहाय्यक पोलीस निरीक्षक सतीश पवार यांचे मार्गदर्शनाखाली श्री. कदम आणि त्यांचे सहकारी करीत आहेत.

तुमच्या आमदारांना सांगा अधिवेशनात मराठा आरक्षणावर बोलायला

सुशील कुमारनं मारलं मैदान; महाराष्ट्राच्या शिरपेचात महासचिवपद

चमकत्या त्वचेसाठी तांदळाच्या पाण्याचा वापर करा 

कळंबेत रिक्षाच्या धडकेत चिमुकली ठार; मद्यधुंद चालकाला चोप देत संतप्त जमावाने पेटवली रिक्षा

मल्हारपेठेत झुणका भाकर केंद्रावर पोलिसांचा हातोडा; तहसीलदारांच्या उपस्थितीत अतिक्रमणांवर कारवाई

Edited By : Siddharth Latkar