धक्कादायक! दहावीत शिकणाऱ्या मुलाच्या अभ्यासाच्या तणावातून आईची आत्महत्या

सातारा : दहावीत शिकणाऱ्या मुलाच्या अभ्यासाच्या तणावातून आईने विषारी द्रव पिवून आत्महत्या केल्याची घटना ता. 3 रोजी जावली तालुक्‍यातील रुईघर येथे घडली. सविता शाम निकम असे त्या महिलेचे नाव आहे. 

जावली तालुक्‍यातील रुईघर येथे शाम आनंदा निकम हे पत्नी सविता, मुलगा सुशांत यांच्यासमवेत राहण्यास आहेत. मुलगा सुशांत हा इयत्ता दहावीत शिकण्यास आहे. कोरोना व इतर कारणामुळे मध्यंतरीच्या काळात शाळा बंद होत्या. शाळा बंद असल्याने सुशांतचे अभ्यासाकडे दुर्लक्ष झाले होते. शासनाच्या आदेशानुसार शाळा सुरु झाल्यानंतरही सुशांतची इयत्ता दहावीच्या अभ्यासातील प्रगती अत्यंत धीमी होती. यामुळे त्याची आई सविता या सतत तणावात असायच्या. 

ऊसतोड मजुरांना घेऊन निघालेल्या ट्रॅक्‍टरला मिनीबसची जोरदार धडक; बीडसह कर्नाटकातील 18 जण जखमी

याच तणावातून सविता निकम (वय 35) यांनी बुधवारी (ता. 3) सकाळी गवतावर मारण्याचे विषारी द्रव पिले. सविता यांनी विषारी द्रव पिल्याचे लक्षात आल्यानंतर कुटुंबीयांनी त्यांना उपचारासाठी वाई येथील एका खासगी रुग्णालयात दाखल केले. याठिकाणी उपचार सुरु असतानाच सविता यांचा मृत्यू झाला. याची प्राथमिक नोंद मेढा पोलिस ठाण्याच्या अखत्यारीतील कुडाळ दुरक्षेत्रात झाली असून तपास हवालदार डी.जी. शिंदे हे करीत आहेत.  

साताऱ्याच्या बातम्या वाचण्यासाठी येथे ► क्लिक करा

संपादन : बाळकृष्ण मधाळे