वाई (सातारा) : महाबळेश्वरहुन वाई ला येणाऱ्या जीपने दुचाकीला व रस्त्याने चालणाऱ्या महिलेला धडक देऊन धोम धरणाच्या उजव्या कालव्याच्या कठड्याला धडकून कालव्यात कोसळली.या अपघातात तीन जण गंभीर जखमी झाले.
आज दुपारी साडेचार वाजण्याच्या दरम्यान महाबळेश्वरहुन वाईला येणारी जीप क्रमांक (एम एच ११ए के ८२१५) किसन वीर महाविद्यालयाच्या पुढे उतारावरून भरधाव वेगात येत असताना या जीपने एका दुचाकीला मागून धडक दिली. यानंतर रस्त्याच्या कडेने पादचारी महिलेलाही ठोकरले. नंतर ही जीप धोम उजव्या कालव्याच्या कठड्याला धडकून कालव्यात पडली.
यामुळे या अपघातात दुचाकीचालक नागेश शंकर कोष्टी (रा. सोनजाईनगर, वाई, दुचाकी चालक) व पादचारी महिला कोमल अमोल माने (वय 23 रा. फुलेवाडी, कोल्हापूर) व जीप चालक इस्माईल अब्दुल महाबळे (वय ६५ वर्षे रा. नाकिंदा, महाबळेश्वर) गंभीर जखमी झाले. त्यांच्यावर खाजगी रुग्णालयात उपचार सुरू आहेत. पोलिसांनी कालव्यातून जीप बाहेर काढून पोलीस ठाण्यात लावली आहे. या रस्त्यावर नेहमी वर्दळ असते. मात्र हा अपघात झाला तेव्हा या परिसरात गर्दी कमी असल्यामुळे मोठा अनर्थ टळला.जीपमध्ये एकटा चालकच होता.अन्यथा पाण्याने भरून वाहणाऱ्या कालव्यामुळे मोठा अनर्थ घडला असता. पोलीस कॉन्स्टेबल शिवाजी वायदंडे अधिक तपास करत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
