चार दिवसांच्या परिश्रमानंतर वीजेसह पाणीपुरवठा झाला सुरळीत

महाबळेश्वर (जि. सातारा) : वीजपुरवठा खंडित (power resume) झाल्याने महाबळेश्वर (mahableshwar) शहरात निर्माण झालेली कृत्रिम पाणीटंचाई (water scarcity) चौथ्या दिवशी संपुष्टात आली. चार दिवसांच्या प्रतीक्षेनंतर महाबळेश्वर व पाचगणी (mahableshwar panchgani) येथे वीज व पाणीपुरवठा सुरळीत झाला आहे. satara marathi news power resume mahableshwar panchgani tautkae cyclone

वादळामुळे वीज वितरण कंपनीचे कंबरडे मोडले होते. अनेक ठिकाणी विजेचे खांब पडले होते, तर विजेच्या ताराही तुटल्या होत्या. यामुळे वीजपुरवठ्यामध्ये मोठा अडथळा निर्माण झाला होता. शनिवारपासून शहराचा वीजपुरवठा बंद पडला होता. महाबळेश्वर व पाचगणी शहरास जीवन प्राधिकरणाच्या वतीने पिण्याचे पाणी पुरविले जाते. वीजपुरवठा खंडित झाल्याने या दोन्ही शहरांचा पाणीपुरवठा बंद पडला होता. वीजपुरवठा एक दोन दिवसांत सुरू होईल ,या अपेक्षेने प्राधिकरणाने पाणी पुरविण्यासाठी काही प्रयत्न केले नाही.

नगराध्यक्ष व नगरसेवकांनी शहरातील कृत्रिम पाणीटंचाईची साधी दखलही न घेतल्याने नागरिकांतून तीव्र संताप व्यक्त केला जात होता. दरम्यान, पाणीटंचाईमुळे शहरातील नागरिकांची पाण्यासाठी भटकंती सुरू झाली. तीन दिवसांच्या प्रतीक्षेनंतर पालिकेच्या मुख्याधिकारी पल्लवी पाटील यांनी शहर पाणीपुरवठा सुरळीत करण्यासाठी पुढाकार घेण्याचा निर्णय घेतला.

एकीकडे त्यांनी नागरिकांना आवश्‍यकतेनुसार पाण्याचे टॅंकर पुरविण्यास प्रारंभ केला. पालिकेच्या टॅंकरबरोबर खासगी टॅंकरही त्यांनी भाड्याने घेऊन पाणी पुरविण्यास सुरुवात केली. दुसरीकडे त्यांनी शहर पाणीपुरवठा सुरळीत करण्यासाठी दोन जनरेटर मागविले. मुख्याधिकाऱ्यांनी सुरू केलेल्या प्रयत्नांना उपनगराध्यक्ष अफजल सुतार व नगरसेवकांनी सहकार्य केल्याने बुधवारपासून शहराचा पाणीपुरवठा सुरळीत झाला. दरम्यान शहरात मंगळवारी रात्री वीजपुरवठा देखील सुरू झाला. पाचगणीतही महावितरणने बुधवारपर्यंत युद्धपातळीवर काम करुन शहराचा विद्युत पूरवठा सुरु केला. चार दिवसांच्या प्रतीक्षेनंतर शहराचा वीज व पाणीपुरवठा सुरळीत झाला.

सातारा जिल्ह्यातील बातम्या वाचा