राज्यातील नाट्यगृहे, ग्रंथालये खूली करा : उदयनराजे

सातारा : राज्यातील ज्येष्ठ कलाकारांना शासनाकडून विविध श्रेणीनुसार मानधन दिले जाते. कोरोनामुळे गेल्या तीन ते चार महिन्यांपासून मानधन वितरित केलेले नाही. त्याचे त्वरित वितरण करावे व भविष्यात मानधन नियमित मिळावे. राज्यातील नाट्यगहे, ग्रंथालये पुरेशी सुरक्षा घेऊन सुरू करावीत. लोक कलाकारांना ही शासनाने भरीव मदत करावी, अशी मागणी खासदार उदयनराजे भोसले यांनी मुख्यमंत्री उद्धव ठाकरे यांच्याकडे केली आहे.
सातारा जिल्ह्यातील ताज्या बातम्या वाचा
 
यासंदर्भात उदयनराजे भोसले यांनी दिलेल्या प्रसिद्धीपत्रकात म्हटले, की शासन ज्येष्ठ कलाकारांना त्यांच्या पात्रता श्रेणीनुसार ठराविक मानधन देत आहे. तथापि कोविड-19 संसर्गजन्य रोगाच्या पार्श्‍वभूमीवर संबंधित कलाकारांचे मानधन मिळालेले नाही. हे थकलेले मानधन सर्व संबंधितांना एकरकमी देण्यात यावे, अशी मागणी मुख्यमंत्री ठाकरे यांना एका विशेष पत्राद्वारे केली आहे, तसेच राज्यातील नाट्यगृहे, ग्रंथालये ही तीन महिन्यांपासून बंद आहेत. त्यामुळे नाट्य कलाकारांवर, तसेच नाट्य कंपनीवर अवलंबून असलेल्या सर्वांवर उपासमारीची वेळ आली आहे.

शासनाने चित्रपट व मालिकांना चित्रीकरणाची परवानगी दिली आहे. नाटकांचे प्रयोग आणि ग्रंथालये सुरू करण्यास परवानगी देणेबाबत निर्णय घ्यावा, असे निवेदनात म्हटले आहे.

गंभीर रुग्णांना इथं आणताय... मग हे नक्की वाचा

लॉकडाउनमध्ये मधुमेहींच्या नेत्रपटलावर दुष्परिणाम, अंधत्वाच्या प्रमाणातही वाढ, तज्ञ डॉक्‍टरांचा निष्कर्ष
​
दीड लाख सातारकर स्वगृही दाखल; कोरोना विषाणू संसर्गाचा वाढला प्रसार; प्रशासनासह नागरिकांचीही वाढली चिंता