सातारा: उपलब्‍ध पाणीसाठ्याचा विचार करून येथील पालिकेने एक महिना नवीन नळजोडण्‍या न देण्‍याचा निर्णय घेतला आहे. या निर्णयाने नवीन नळजोडण्‍यांसाठी सातारकरांना आता १५ जूनपर्यंत प्रतीक्षा करावी लागणार आहे. सद्य:स्‍थितीत शहरात एक तास पाणी कपात असून ती आगामी काळातील पावसाचा अंदाज घेत कमी केली जाणार असल्‍याची माहिती पालिकेच्‍या पाणीपुरवठा विभागातून देण्‍यात आली.
सातारा शहराला प्रामुख्‍याने कास, शहापूर योजनेच्‍या माध्‍यमातून पाणीपुरवठा केला जातो. सध्‍या या दोन्‍ही योजनांची तांत्रिक क्षमता आणि उपलब्‍ध पाणीसाठ्याचा विचार करता शहरातील पाणीपुरवठ्यात एक तास कपात केली आहे. उन्‍हाची वाढणारी तीव्रता व उपलब्‍ध पाणीसाठ्याचा विचार करता पाणी कपात पालिकेने लागू केली. नवीन नळजोडणीसाठी शहरातील नागरिक पाणीपुरवठा विभागाकडे अर्ज करतात. त्यानुसार नागरिकांना नवीन जोडण्‍या दिल्या जात होत्या. मात्र, उन्‍हाळा असल्‍याने पालिकेने नव्याने नळजोडण्याचे काम बंद केले आहे.
कासमध्‍ये दहा फूट पाणी
सातारकरांसाठी जलदायी असणाऱ्या कास धरणाच्‍या भिंतीची उंची वाढविण्‍याचे काम पालिकेच्‍या वतीने हाती घेतले आहे. ते अंतिम टप्‍प्‍यात आहे. या कामानंतर त्‍याठिकाणचा पाणीसाठा दुपटीने वाढणार आहे. सद्य:स्‍थितीत कासमध्‍ये दहा फूट पाणीसाठा आहे. वातावरणातील बदलामुळे उन्‍हाची तीव्रता कमी झाल्‍याने पाण्‍याच्‍या बाष्पीभवनाचा वेग मंदावला आहे. त्यामुळे उपलब्‍ध पाणी नियोजित वेळापत्रकानुसार नागरिकांना पुरेल, अशी माहिती पाणीपुरवठा विभागाचे अभियंता शहाजी वाठारे यांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
