कऱ्हाड (जि. सातारा) : शहर स्वच्छ सर्वेक्षणात एकदा नव्हे दोनदा पहिले आले, कर्मचारी टाकाऊपासून टिकाऊ शिल्पे साकारत आहेत. शहरात स्वच्छतेचा डंका आहे, अशा स्थितीत शहरातील अनेक चौकांत अनधिकृत खोकी वाढत आहेत. त्यांची वाढणारी संख्या शहराच्या स्वच्छ सर्वेक्षणालाच थेट बाधा ठरत आहे. दररोज किमान तीन तरी खोकी शहरात वाढत आहेत. त्यावर कारवाईचा आराखडा आखला, की त्याला नगरसेवकच खो घालत आहेत.
मार्केट यार्ड परिसर, कोल्हापूर नाका, भाजी मंडई परिसर, शाहू चौक, सुपर मार्केटसह बाजारपेठेत वाढणाऱ्या खोक्‍यांत मटका, दारू अन्‌ जुगारही वाढतो आहे. हा सारा प्रकार नियंत्रणाबाहेर जाण्यापूर्वीच थांबणे गरजेचा आहे. शहराच्या सौंदर्यात बाधा ठरणाऱ्या अतिक्रमण विरोधी मोहिमेला कोरोनामुळे "ब्रेक' लागला आहे. पोलिस व पालिका त्यावर कारवाईचा विचार करत असतानाच शहरात खोक्‍यांची संख्या वाढत आहे. वाढणारी खोकी पालिकेच्या स्वच्छ सर्वेक्षणाला थेट बाधा ठरत आहेत. कृष्णा नाका ते बस स्थानक, शाहू चौक, मार्केट यार्ड परिसर, कोल्हापूर नाका, सुपर मार्केटसह बाजारपेठेतील वाढणारी अनधिकृत खोकी हटवण्याची मोहीम पालिकेने अद्यापही हाती घेतली नाही. कारवाईच्या घोषणा उदंड होत आहेत, त्याला नगरसेवक "ब्रेक' लावत आहेत. त्या खोक्‍यांवर मेहरबानांचीच मेहरनजर आहे.
त्यामुळे खोक्‍यांवरील कारवाई आजअखेर रखडलेली आहे. परिणामी शहरात खोक्‍यांची गर्दी वाढते आहे. ती स्वच्छ सर्वेक्षणाला अडथळा ठरत आहेत. वाढलेल्या बहुतांशी खोक्‍यांत अवैध व्यवसाय फुलतो आहे. त्यामुळे त्यावर कारवाई करण्यापेक्षा तडजोडीच जास्त होत आहेत. हॉकर्स झोनचा प्रश्न 2001 पासून लटकलेलाच असतानाच खोक्‍यांचा प्रश्न निर्माण झाला आहे. कागदोपत्री घोडी नाचवण्यापेक्षा त्यावर योग्य पर्यायची गरज आहे. मात्र, खोक्‍यांवर पदाधिकाऱ्यांचीच जास्त मेहरबान आहेत. खोक्‍यांवर ठोस निर्णय होत नसल्याने त्याची शहरात चर्चा आहे. पालिका अधिकाऱ्यांच्या कारवाईला मेहरबानच खो घालत आहेत. कधी संघटना कधी नगरसेवकांच्या खो मुळे खोक्‍यांचा प्रश्न जटील बनलेला आहे.
अशी आहे स्थिती
संपादन : बाळकृष्ण मधाळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.